سەفەری ڕۆحانی بۆ کوالالامپور ئاسۆیەکی ڕوون لە پێوەندیی نێوان ئێران و مالیزیا

ڕۆحانی لە ڕەوتی سەفەرە دوو ڕۆژەکەی بۆ کوالالامپور لەگەڵ  بەرپرسانی مالیزیا سەبارەت بە پێوەندییەکانی دوولایەنە، لەوان لە گۆڕەپانی جۆربەجۆری ئابووری و هاوکاری پیشەسازی و تەکنۆلۆژیا  وتووێژ دەکات  .

رۆحانی بەرلەسەفەر بو مالیزیا سەردانی ڤێتنام  وڵاتی دیکەی  باشووری ڕۆژهەڵاتی ئاسیای کرد و لە ڕەوتی دیدارە دوو ڕۆژەکەی  لە هانۆی   بە ئامانجی پەرەی پێوەندی ئابووریی ئێران و ڤێتنام  دوو بەڵگەی هاوکاریی لەنێوان  دوو وڵات  مۆرکرا.

سەفەری  سەرۆکی کۆماری ئیسلامیی ئێران بۆ نوچە گرینگ و ئابووریی باشووری ڕۆژهەڵاتی ئاسیا لە چوارچێوەی سیاسەتی ئێران لە ڕوانین بۆ ڕۆژهەڵات، ئەنجام بووە  .

سیاسەتی ئێران لە ڕوانین بۆ ڕۆژهەڵات کەوتوەتەبەر سەرنجی حەزرەتی ئایەتوڵڵا خامنەیی ڕێبەرمەزنی ئینقلابی ئیسلامی و ڕۆحانی لە چوارچێوەی ئەم بابەتانە سەردانی ڤێتنام و مالیزی کردووە و دوای ئەمانەش سەردانی تایلەند دەکات .

ڕێبەری مەزنی ئینقلابی ئیسلامی  سیاسەتی  پاوەجێی ئێرانی  لە هاوکاری کردن لەگەڵ وڵاتانی ئاسیایی و سەرنجدان بە ڕۆژهەڵات دیاری کرد و لەسەر گرینگایەتی پێوەندی لەگەڵ وڵاتانی ئاسیایی پێداگری دەکەن .

لە چوارچێوەی ئەم سیاسەتە، توانایی بەربڵاو لە باشووری ڕۆژهەڵاتی ئاسیا لە ئارادایە و ئێران و مالیزی لەبەر خاڵە هاوبەشە جۆربەجۆرەکانیان، دەرفەتی باشیان بۆ کەڵک وەرگرتنی  باشتر لەم تواناییانە هەیە  .

مالیزی وڵاتی گرینگی ئاسیایی و ئیسلامی و خاوەنی فڕەچەشنی لە بواری ئابووری و تەکنۆلۆژیا لە باشووری ڕۆژهەڵات بووە و کۆماری ئیسلامیی ئێران هەمووکات لەسەر بەهێکردنی  ئاستی پێوەندی لەگەڵ خەڵک و دەوڵەتی مالیزی پێداگری کردووە.

بەرنامەی هەوڵی هاوبەشی  ناڤۆکی واتە بەرجام دەرفەتێکی نوێی بۆ پەرەی هاوکارییەکانی ئێران و وڵاتانی جۆربەجۆر بەتایبەتی لە چوارچێوەی  سیاسەتی ئێران لە ڕوانین بە ڕۆژهەڵات  دەستەبەر کردووە.

مالیزی و ئێران  لەم دەرفەتەی دوای بەرجام  دەتوانن بەشێوەیەکی شیاو  کەڵک وەرگرن  هەتا  کەم و کۆڕییەکانی سەردەمی بایکۆت و ڕابردوو،  قەرەبوو بکرێتەوە .

سەفەری سەرۆکی کۆماری ئیسلامیی ئێران بۆ مالیزی بە نیشانەی بنیات نانەوە و پەرەی ئاستی هاوکارییەکانی دوو وڵات بە تایبەتی لە گۆڕەپانی زانستی، فەرهەنگی، ئابووری و تەکنۆلۆژیا لە سەردەمی دوای بایکۆت ، لێک دەدرێتەوە.

خاڵی هاوبەشی  سیاسی، هاوبەشییەکانی فەرهەنگی، ئایینی و هۆگریی خەڵکی ئێران بۆ سەفەرکردن بۆ باشووری ڕۆژهەڵاتی ئاسیا ، خاڵی گرینگی دیکە لە ڕێگەی پەرەی هاوکارییەکانی نێوان  کوالالامپور  و تارانە کە پێداگری لەسەر دەکرێت.

ڕوانگەی هاوبەش و نیزیکی ئێران و مالیزی لە گۆڕەپانی  ناوچەیی و نێودەوڵەتی و نەیارەتی بەرامبەر توندڕەوی و تیرۆریزم ، هاوکاریی دوو وڵاتی لەبەشەکانی دیکەش  مسۆگەر کردووە.

ئێران و مالیزی سەرباری  پێوەندی دوو لایەنە ، لە چوارچێوەی  ڕێکخراوەکانی ناوچەییش  دەتوانن بەرژەوەندییەکانی هاوبەشی خۆیان بدۆزنەوە.

ئێران و مالیزی  بە کەڵک وەرگرتن لە  ئەندامبوونیان لە تاقمی هەشت وڵاتی ئیسلامی ڕوو لەگەشە واتە  دی هەشت، دەورێکی گرینگیان لە پەرەی هاوکاریەکانی ناوچەیی – ئیسلامی دا هەیە  .

ئێران و مالیزی  دوو وڵاتی گرینگی ئیسلامی لە دورگەی ئاسیان   و لە سەرنج دان  بە بەرهەمی حەڵاڵ و هەناردەکردنی بۆ وڵاتانی دیکە دەتوانن دەورێکی  گرینگ بگێڕن.

گەشتیاری، زانست و تەکنۆلۆژیا و هاوکاری زانستی و فەرهەنگی باشترین بواری هاوکاری ئێران و مالیزییە. کۆماری ئیسلامیی ئێران لە گۆڕەپانی فەرهەنگی و گەشتیاری و زانستی و تەکنۆلۆژیا لە كیشوەری ئاسیا پێشەنگ بووە و دوای بەرجام، دەرفەتی زۆر بۆ کەڵک وەرگرتن لە تواناییەکانی هاوبەشی ئێران و وڵاتانی دیکەی ئاسیایی  دەستەبەر کراوە...

کۆتایی کورتە نامە/310