بە ڕاپۆرتی ئاژانسی هەواڵی مێهر، دادگەی ئەورووپیی مافی مرۆڤ لە حوکمی کۆتایی بۆ دۆسیەی "سەلاحەدین دەمیرتاش"، هاوسەرۆکی پێشووی پارتی دیموکراتیکی گەلان(HDP)، ڕایگەیاند کە دەستگیری و ڕاگرتنی لە زیندان، دژی پرێنسیپەکانی کۆنوانسیۆنی ئەورووپی مافی مرۆڤە.
لەم حوکمەدا کە لە لقی باڵای (Grand Chamber) دەرکرا، تورکیا بە چەندین پێشێلکاری یاسایی و لەوان مادەگەلی 10 (ئازادی ڕادەربڕین)، 5ی بڕگەی 3 (مافی بەهرەمەندی لە ئازادی و ئاسایش)، 18 (کەڵک‌ئاوەژوویی لە تەنگەژەکان) و 5ی بڕگەی 1 (دەستگیریی نایاسایی)، تۆمەتبار کرا و دادگەکە بەپێی ماددەی 46ی کۆنوانسیۆنی مافی مرۆڤی ئەورووپا خوازیاری ئازادی بەپەلەی دەمیرتاش بوو.
ئەم حوکمە یەکلاکراوەیە و بۆ چاودێری بەسەر ڕاپەڕاندنی یاراستەی کۆمیتەی وەزیرانی ئەنجومەنی ئەورووپا کراوە.
Your Comment