به پێی هەواڵ دەریی ئەهلو بەیت(ع) ، ابنا :بەگێڕانەوە لە نەشرە، بینالی یێڵدریم سەرۆک وەزیرانی تورکیا لە لێدوانێکدا پاش دانیشتنی ئەنجومەنی وەزیران، وتی: دەبێ لەزووترین کاتدا لاپەڕەیەکی نوێ لە سووریا بکرێتەوە بەگوێرەی ڕەوت وهاوبەشیی تورکیا، ئێران، ڕووسیا، ئەمریکا ووڵاتانی دەڤەری کەنداوی فارس وعەرەبستانی سەعوودی.
حکومەتی سووریا، نەیاران، گرووپە ڕەشەکوژەکان و هێزەکانی هاوپەیمانی نێودەوڵەتی و لایەنە نێودەوڵەتییەکانی دیکە، بەرپرسی گەڕاندنەوەی ئاسایشی سووریان.
یێڵدریم وتی: ئێمە سوورین لەسەر یەکپارچەیی خاکی سووریاو تورکیا نەیاری جم و جۆڵ لە باکووری سووریایە بۆ هێنانەدی کیانی نەتەوەیی و دابەشکرانی سووریا.
سەرۆک وەزیرانی تورکیا داوای لە هەموو لایەنەکانی تێوەگلاوی قەیرانی سووریا کرد هەتا لەزمانی ئاوەز بۆ ڕاگرتنی شەڕ و پێکدادان لە سووریا کەڵک وەربگرن.
بینالی یێلدریم لەمەڕ هەوڵدانی کوردەکان بۆ هێنانەدی ناوچەیەکی خودموختار، وتی: هێنانەدی هەر حکومەتێک لە باکووری سووریا یان باشووری تورکیا یان هەر ناوچەیەکی دیکە، قەبووڵنەکراوە.
شیاوی ئاماژەیە، یێلدریم لەبارەی هێرشی ئاسمانیی ئیسرائیل بۆسەر کەرتی غەززەش وتی: ئەو پەلامارانە کە لەدژ کەسانی سیڤیل ئەنجام دەگرێ، بۆ پشت ڕاست کردنەوە نابێ.
ئاسایی کردنەوەی پەیوەندییەکانمان لەگەڵ ئیسرائیل، ڕێگرنییە لەبەردەم درێژەی هەڵوێستەکەمان لەحاند پرسی فەلەستین و هەروەها ڕێگریش نابێ لەبەردەم هاوخەمی دەربڕین لەگەڵ خەڵکی ئەو وڵاتە....
کۆتایی کورتە نامە/310
