به پێی هەواڵ دەریی ئەهلو بەیت(ع) ، ابنا : دوابەدوای تەقینەوەی بۆمبێک لە نیزیکی بازاڕێکی خۆماڵی لە ناوچەی مەحموودییە لە باشووری بەغدا کەسێک کوژرا و هەشت کەسی دیکەش بریندار بوون .
هەروەها تەقینەوەیەکی دیکە لە ناوچەی تارمیە لە باکووری بەغدا ڕووی دا کە لەم تەقینەوەیەدا لانیکەم کەسێک کوژراو و دوو کەسی دیکەش بریندار بوون .
سەرچاوەکانی هەواڵ باسی تەقینەوەیەکی دیکەیان کرد لە ناوچەی تالبییەی بەغدا کە بە هۆیەوە دوو کەس کوژران و پێنج کەسی دیکەش بریندار بوون .
ڕۆژی ڕابردووش دوابەدوای تەقینەوەی بۆمبێک لە ناوچەی شەعب لە باکووری ڕۆژهەڵاتی بەغدا کەسێک کوژرا و حەوت کەسی دیکەش بریندار بوون .
بەغدا لە حەوتەکانی ڕابردوو شایەتی تەقینەوەگەلێکی خوێناوی بووە کە بە هۆیەوە دەیان کەس لە شارومەندانی ئەم وڵاتە کوژراون و یان بریندار بوونە ...
کۆتایی کورتە نامە310
