دووهەمین کۆبوونەوەی پارێزگا سنوورییەکانی کۆماری ئیسلامی ئێران لەگەڵ باکووری عێراق لە هەولێر بەڕێوەچوو.
لەم دیدارەدا کە بە ئامادەبوونی پارێزگارەکانی ئازەربایجانی ڕۆژئاوا و کوردستان و کرماشان بەڕێوەچوو، وەزیری ناوخۆی هەرێمی کوردستان بە ئاماژەدان بە هاوبەشییە دێرینییە کولتووری و ئایینییەکانی هەردوولا، وتی: "بۆ گەشەپێدانی ئابووری پێویستە پەیوەندییە کولتوورییەکان بەکاربهێنرێت و خۆشگوزەرانی و ئاسوودەیی گەلەکەمان دابین بکرێت".
ڕیبەر ئەحمەد دیالۆگ و دانوستانی بە ڕێگەیەکی گونجاو بۆ گەیشتن بە ئامانجەکان زانی و زیادی کرد: ئێمە پەیوەندی دۆستانەمان لەگەڵ وڵاتانی دراوسێ هەیە، بەڵام پەیوەندییەکان لەگەڵ ئێران لە سەرووی دۆستایەتیشە و هەوڵدەدەین ئاستی ئاڵوگۆڕە ئابوورییەکانمان لەگەڵ برا گەورەکەمان بەرز بکەینەوە بۆ ئەوەی بەرزترین ئاست لە داهاتوویەکی نزیکدا ببڕێت.
جەختیشی کرد: هەروەها کردنەوەی تێرمیناڵه سنوورییه نوێیەکانی نێوان ئێران و هەرێمی کوردستان به پێویست دەزانین .
ئاماژەشی دا: ئێمه به تەواوی ئاماده کاریمان بۆ کردنەوەی سنووری کێلەشین – سیدەکان کردووه و پێمان وایه سنووره نوێیه کان بناغه ی ئابوورییه خۆشگوزەرانی و باشترکردنی پێوەرە ئەمنییەکان لە سنوورە هاوبەشەکاندا.
وەزیری ناوخۆی هەرێمی کوردستان، ئاسایشی ئێستای سنوورەکانی هەردوولا بە لەبار هەڵسەنگاند و زیادی کرد: ئێمە و دۆستانی ئێرانیمان ڕێگە نادەین دوژمنان ئەم ئاسایشە تێکبدەن.
هەروەها ڕێبەر ئەحمەد ڕایگەیاند کە ئامادەن بۆ ساڵی سێهەم میوانداری زیارەتکارانی ئەربەعین حوسێنی بکەن و دەشڵێت: ئەمساڵ هەوڵ دەدەین بۆ ئاسانکاری و خێراکردنەوەی هاتووچووی زیارەتکارانی ئەربەعین حوسێنی.
342/
