پێداگریی کۆمیتەی سیاسەتی دەرەوەیی ئەنجومەنی نوێنەرانی ئەمریکا لەسەر بایکۆتی تورکیا

(ABNA24.com) بەپێی ڕاپۆری هەواڵدەریی ئیرنا، کۆمیتەی سیاسەتی دەرەکیی ئەنجومەنی نوێنەرانی ئەمریکا دوێشەو(سێ شەممە) نووسی؛ داوا لە سەرۆک کۆمار دەکەین تورکیا لەبەر کڕینی سیستەمی بەرگریی مووشەکیی ئێس-٤٠٠ لە ڕووسیا، بایکۆت بکا.

"ئێلیۆت ئەنگل" نوێنەری دیموکرات لە ئەیالەتی نیۆیۆرک و سەرۆکی ئەو کۆمیتەش بەبڵاوکردنەوەی پەیامێکی توئیتەریی وتی: "بەرژەوەندییەکانی تورکیا نە بەهاوڕەوتیی لەگەڵ کرێملین، بەڵکوو لەهاوکاریی کردنی ئەمریکا، بەباشترین شێوە دابین دەبێ."

پاش ئەوەی یەکەم سیستەمی ئێس-٤٠٠ی ڕووسی گەیشتە تورکیا لەمانگی ژوولای، واشنگتۆن، تورکیای لە بەرنامەی چێکردنی فڕۆکەی ئێف-٣٥ بردەدەر و حەوتەی ڕابردووش پێشنیاری فرۆشی سیستەمی مووشەکیی پاتریۆت بە تورکیای هەڵوەشاند.

بەپێی ڕێککەوتنی تورکیا لەگەڵ ڕووسیا لەساڵی٢٠١٧، تورکیا چوار سیستەمی مووشەکیی ئێس-٤٠٠ی بەبڕی٢.٥ملیار دۆلار لەڕووسیا کڕی.

واشنگتۆن چەندین جار هەڕەشەی بایکۆت کردنی تورکیای هێناوەتە ئاراوە بێتوو سیستەمەکانی بەرگریی ئاسمانیی ئێس-٤٠٠ لەڕووسیا بکڕێ.

سەرباری هەڕەشەوگوڕەشەو زەخت وگوشارەکانی حکومەتی ئەمریکا، ئانکارا هەروا سورە لەسەر کڕینی ئەو سیستەمە مووشەکییە لە ڕووسیا.



/129