فەزا یووسف ئەندامی ئەنجومەنی سەرۆکایەتی پارتی یەکێتی دیموکراتیکی سووریا(PYD) لە لێدوانێکدا بۆ ئاژانسی فورات، سەبارەت بە هەلومەرجی ئێستای ڕۆژهەڵاتی ناڤین و هەڕەشەکان لە دژی باکوور و ڕۆژهەڵاتی سووریا، ڕایگەیاند: ئەم شەڕانە لە بەرژەوەندیی داگیرکەرانی جیهانییە و تەنیا ڕێگەچارەی بەرەنگاربوونەوەی، ئامادەیی خەبات و بەرزکردنەوەی ئاستی توانستی بەرگری لە خۆیە.
یووسف جەختی لەوەش کرد کە ڕۆژهەڵاتی ناڤین بۆ ماوەی دوو سەدەیە بۆتە ناوەندی شەڕە داگیرکارییەکان و ئێستاش ئەوا شەڕ سووریا و ناوچەکانی تر تێوەگلاندووە و لەمناوە هێرشی سەربازی تورکیا بۆ سەر باکوور و باکووری ڕۆژهەڵاتی سووریا ڕووی لە کوردستانی سووریایە.
وتیشی: ڕەنگە تورکیا لە هەلومەرجی نائاسایی هەنووکە کەڵک‌ئاوەژوویی بکا و پەلاماری باکوور و ڕۆژهەڵاتی سووریا بدات.
342/
