بە ڕاپۆرتی ئاژانسی هەواڵی ابنا - ئەو گولـلەیە رۆژی سێ شەممە لە ئاوایی "مونقەم" ی شاری دورەیهمی سەربەپارێزگای حودەیدە لەرۆژاوای یەمەن تەقییەوە کە بەهۆیەوە منداڵیکی یەمەنیش بریندار بوو.
هەینیی رابردووش لە ئاکامی هێرشی ئاسمانیی سوپای عەرەبستان بۆسەر ماڵێک لە ناوچەی حاج ئەلئەعلا ی شای بەیت فەقیی پارێزگای حودەیدەش منداڵێکی یەمەنی کوژرا و چوار کەسی دیکەش بریندار بوون.
رژیمی سەعوودیا بەپاڵپشتی ئەمریکا ئەمریکا، ئیمارات و چەند وڵاتی دیکە لەمارسی٢٠١٥وە دەستی کرد بە دەسدرێژیی سەربازی بۆسەر یەمەن و گەمارۆی زەوینی، دەریایی و ئاسمانیی ئەو وڵاتەی داوە.
شەڕخوازیی عەرەبستان لە یەمەن، کوژرانی زیاتر لە شازدە هەزار یەمەنی، برینداربوونی دەیان هەزار کەس و ئاوارەبوونی بەملوێنان یەمەنی لێکەوتووەتەوە.
دەسدرێژکاریی عەرەبستان هەروەها وڵاتی هەژاری یەمەنی بەرەوڕووی کەمبوونی لەڕادەبەدەری خۆراک و دەواو دەرمان کردووەو بووەتە هۆی بڵاوبوونەوەی نەخۆشیی جۆراوجۆر.
رژیمی سەعودیا و هاوپەیمانانی تائێستا لەبەر خۆڕاگریی خەڵکی یەمەن نەیانتوانیوە ئامانجەکانیان لەو وڵاتەدا بێننە دی (بەدەسەڵات گەیاندنی بەکرێگیراوەکانیان).
..........
340
