‌په‌یامی حكومه‌تی هه‌رێمی كوردستان له‌ یادی له‌دایكبوونی پێغه‌مبه‌ری ئیسلام

‌په‌یامی حكومه‌تی هه‌رێمی كوردستان له‌ یادی له‌دایكبوونی پێغه‌مبه‌ری ئیسلام


حكومه‌تی هه‌رێمی كوردستان له‌ یادی له‌دایكبوونی پێغه‌مبه‌ری ئیسلامی محمد (د.خ) خوازیاره‌ ئه‌و یاده‌ هۆكارێك بێت بۆ یەكڕیزیی هەموو لایەنەكان و خۆشگوزەرانی و ئاسایش و ئاوەدانكردنەوە و پێشكەوتنی زیاتر بۆ هەرێمی كوردستان.

له‌ په‌یامه‌كه‌یدا حكومه‌تی هه‌رێمی كوردستان هیوای خواستووه‌ یادی له‌دایكبوونی پێغه‌مبه‌ری ئیسلامی ئەو نەهامەتییانە بڕەوێنێتەوە كە لەلایەن تیرۆرستانی داعشەوە بەسەر گەلانی عیراق بەگشتی و پێكهاتە نەتەوەیی و ئاینییەكانی كوردستان بەتایبەتی، هێنراون و ببێتە هۆكاری نەمانی تیرۆر و تیرۆرستان لە كوردستان و عیراق و هەموو جیهان.

ده‌قی په‌یامه‌كه‌ی حكومه‌تی هه‌رێمی كوردستان:
بەبۆنەی یادی لەدایكبوونی پێغەمبەری ئیسلام حەزرەتی محەمەدەوە دروودی خوای لەسەر بێت، گەرمترین پیرۆزبایی لە تەواوی موسڵمانانی كوردستان و عێراق و جیهان دەكەین.

هیوادارین ئەم یادە پیرۆزە ببێتە هۆكارێك بۆ یەكڕیزیی هەموو لایەنەكان و خۆشگوزەرانی و ئاسایش و ئاوەدانكردنەوە و پێشكەوتنی زیاتر بۆ هەرێمی كوردستان و هەموو ئەو نەهامەتییانە بڕەوێنێتەوە كە لەلایەن تیرۆرستانی داعشەوە بەسەر گەلانی عێراق بەگشتی و پێكهاتە نەتەوەیی و ئاینییەكانی كوردستان بەتایبەتی، هێنراون و ببێتە هۆكاری نەمانی تیرۆر و تیرۆرستان لە كوردستان و عێراق و هەموو جیهان.

لەم بۆنە پیرۆزەدا سەری ڕێز و نەوازش بۆ شەهیدانی بەرگریكردن لە كوردستان و پاراستنی هەموو پێكهاتەكان لە تیرۆر و تیرۆریستان دادەنوێنین و لە خوای گەورە دەخوازین گیانیان بە بەهەشتی بەرین شاد بكات.

دووبارە یادی پێغەمبەری ئیسلام دروودی خوای لەسەر بێت لە هەموو لایەك پیرۆز دەكەین.