ئەڵمانیا بە نیگەرانی لە هەرەشەو گۆڕەشەکانی ترۆریستی دژ نوێنەرایەتییەکانی خۆی لە تورکیا ، بالوێزخانەی ئانکارا ، سەرکۆنسوڵگەری ئەستەمۆڵ و خۆیندنگەکانی لە رۆژی ١٣ تا ١٧ سێپتەمبەر ٢٣ تا ٢٧ خەرمانان بە داخراوە ڕاگەیاند بوو .
دوا بە دوای ئەوە بەریتانیا یش هەر لەم پێوەندییە ڕایگەیاندووە کە باڵوێزخانەی ئەو وڵاتە لە تورکیا ئەمڕۆ (هەینی) دادەخرێت ، رۆژنامەی میللیەت ڕۆژی هەینی لە ماڵپەری دەنگ وباس و لێکدانەوەی خۆی دا بە گێرانەوە لە سەرچاوەکانی وەزارەتی نێو خۆ ی تورکیا نووسی : پۆلیس لەهاوکاری ئیتڵاعاتی لەگەل ئەو وڵاتانە ، سێ کەسی لە ئانکارا ویەک کەسی لە ئەستەمۆڵ قۆڵبەست کردووە .
هەر ئەم سەرچاوانە بە ئاماژە بەوەی کە ئیتڵاعاتەکان وا ئاراستە کراون لە لایەن ئەو وڵاتانە لە ئاستێک دانەبووە کە وەکوو تەگبیری ئاسایشی نوینەرایەتییەکانی سیاسی خۆیان لە تورکیا بەشێوەی کاتی داخەن ، ووتوویانە هاوکاری نیزیک لەگەڵ نوێنەرایەتیەکانی ئەڵمانیا وبەریتانیا لە تورکیا دا هەیە .
کاربەدەستانی وەزارەتی نێو خۆی تورکیا بە ئاماژە بە گرینگایەتی ئاڵ و وێری زانیارییەکان لەگەڵ تورکیا ئیدعایان کردووە ڕێو شۆینی ئاسایشی پیویست لەبەر چاو گیراوە .
لەم نێوانە ڕیچارد مور باڵوێزی بەریتانیا لە تورکیا لە ڕێگای توئیتری خۆی لەهاوکاری هێزە ئاسایشییەکانی تورکیا لەگەڵ بالوێزخانە ڕێزی گرتووە بەڵام هەر لەم حالە دا ووتوویەتی : لەوەها ڕەوشێک دا داخرانی بالوێزخانە کارێکی ژیرانەیە .
ڕێککەوت بوونیی داخڕانی نوێنەرایەتییەکانی ئەڵمانیا لە تورکیا لەگەڵ رۆژانی پشوودانی جەژنی قوربان لە تورکیا ڕاو بۆچوونی جۆر بە جۆری لە میدیاکانی ئەو وڵاتە دا بووە و ژمارێک لە میدیاکان ئیدعایان کردووە کە نوێنەرایەتیەکانی ئەڵمانیا بە هۆی پشوودانەکانی جەژنی پیرۆزی قوربان داخراوە ....
کۆتایی کورتە نامە/310
