ئیسماعیل بەقایی وتەبێژی وەزارەتی دەرەوەی ئێران لە کۆنگرەی ڕۆژنامەڤانی بە ئاماژە بە دانوستانی بەربڵاوی وەزارەتی دەرەوەی ئێران لە هەفتەی رابردوو، وتی: ئەو وەزارەتخانە لەگەڵ وڵاتانی ناوچەکە و سەروو ناوچەکە بۆ پێکهێنانی کۆدەنگی لە بواری یارمەتی گەیاندن بە غەززە و راگرتنی کۆمەڵکوژی لە ئەو ناوچە گفتوگۆی کردووە. وەزیری دەرەوە هەروەها لەگەڵ وڵاتانی ناوچەکە و ڕطێکخراوی هاوکاری ئیسلامی دیدارگەلیکی هەبووە و ئامانجی ئێمە کۆبوونەوەی بەپەلەی ئەو ڕێکخراوەیە.
بەقایی زیادی کرد: ئەوەی کە خەریکە ڕوو دەدات، بێ وێنە بووە و وەکوو جەنایەتێکی جەنگی ئاشكرا، دژی سەرجەم یاسا نێودەوڵەتییەکانە.
وتەبێژی وەزارەتی دەرەوە بە ئاماژە بە دانوستانەکانی ئەم دواییەی ئێران و ئەورووپا، ڕایگەیاند: ئەو دانوستانانە ڕۆژی هەینی بەڕێوە چوو و لەوانەیە هەندێک پرسیار لە ئەو بارەوە بێتە ئاراوە.
هەروەها ڕاشیگەیاند کە هەڵوێستی ئێران هەمبەر گۆڕانکارییەکانی قەفقازی باشووری نەگۆڕیوە و هاتنی ئەکتەەری سەروو ناوچەیی بۆ ئەو گۆڕانکاریانە لە بەرژەوەندی ئاسایش و گەشەی ناوچەیی نییە و وردەکاریەکان لە ئەو بارەو بە وردی شوێنگیری دەکەین.
بەقایی سەبارەت بە دانوستانەکان و پێشنیاری درێژ کردنەوەی بڕیارنامەی 2231 ڕایگەیاند کە گفتوگۆکان بۆ لابردنی گەمارۆکان و پرسی ئەتۆمیە و وتیشی کە لایەنی ئەورووپی لەوانەیە گێڕانەوەی خۆی هەبێت بەڵام، ئەوە گێڕانەوەی ئێران نییە و لایەنە ئەورووپییەکان بەهۆکاری جیاواز بۆیان نییە ڕێکاری گەڕانەوە بگرنە پێش.
وتەبێژی وەزارەتی دەرەوە سەبارەت بە هێرشە تیرۆریستییەی زاهیدانیش وتی: ئەو هەوڵە ئیدانە کراوە و هێزەکانی ئێمە هۆکارەکانی ئەو کردەوە دەناسنەوە و سزایان دەدەن. هەروەها درێژەی دا کە ئەو هەوڵە دوای هێرشەکانی ئیسرائیل مانادارە.
وتەبێژی وەزارەتی دەرەوەی ئێران وتی: لایەنە ئەورووپییەکان بەهۆکاری جیاواز بۆیان نییە میکانیزمی پەلەپیتکە بەکار بهێنن.
Your Comment