کەناڵی ئەلمەیادین لە گفتوگۆ لەگەڵ بەرپرسانی ئیداری و سەربازی ئێران ڕای ئەوانی لەسەر دانوستانەکان لەگەڵ ئەمریکا، هەڕەشە پووجەکانی بەرپرسانی ئیسرائیلی لەسەر ئێران و دیکەی پرسە گرینگەکان پرسیوە.
لە هەمان پێوەندیدا، سەردار حسێن سەلامی، فەرماندەی گشتی سپای پاسداران، بە کەناڵی ئەلمەیادینی وت: ئێران بۆ بەرەنگار بوونەوەی هەر جۆرە سیناریۆیەک ئامادەیی تەواوی هەیە و لەسەر ورەی کۆماری ئیسلامی بۆ پاراستنی مافی گەلی ئێران و سەربەخۆیی وڵاتەکەی جەختی کرد.
سەردار عەزیز نەسیرزادە، وەزیری بەرگری ئێرانیش هەڕەشەکانی ئیسرائیل لەسەر ئێرانی قسەی پووچ وەسف کرد و درێژەی دا کە ئێران ئەوەندە توانی هەیە کە ئیسرائیل نەوێرێت هەڕەشەی لێبکات. هەر جۆرە هەوڵێکی دژبەرانەی ئیسرائیلیش، دەبێتە هۆی لەناوچوونی.
شەمخانی ، ڕاوێژکاری سیاسی ڕێبەری ئێرانیش جەختی کرد: کە پێسنیاری ئەمریکا بە ئێران بۆ ڕێککەوتنی ئەتۆمی ناتەکنیکی و لاوەکیە و ئێران خەریکی پێکهێنانی پێشنیاری نوێیە.
غەریب ئابادی جێگری نێودەوڵەتی و مافی وەزیری دەرەوەش ڕایگەیاند کە ناڕوونی و پرسیاری زۆر لەسەر پێشنیارەکەی ئەمریکا هەیە بۆیە هاوکات لەگەڵ ئەمریکا گفتوگۆکان لەگەڵ ئەورووپاش درێژەی هەیە.
Your Comment