سەلاحەدین ئاشتی ئەندامی ئەنجومەنی سیاسەتدانەریی خەڵاتی قەڵەمی هەژار لە وتاردانی لە ڕیوڕەسمی کۆتایی فێستیڤاڵی خەلاتی قەڵەمی هەژار، داوای لە سەرۆک کۆمار کرد کە هەنگاوی شلگێرانە بۆ پێشکەوتی زمانی کوردی و ڕاپەڕاندنی ماددەی 15ی یاسای بنەڕەوتی هەڵگرێت و وتی: زمانی فارسی پردی پەیوەندیی نێوان خەڵکی جوگرافیای سیاسی ئێران و وڵاتانی فارسی‌زمانی ترە، بەڵام نابێ لە پەناشیەوە زمانانی تر پشتگوێ بخرێن.
ئەو نووسەر و توێژەر کوردە، بەڕیوەچوونی ئەو فێستیڤاڵەی بە هەنگاوێکی گرنگ لە لایەن دەوڵەت و حکوومەت بۆ ڕیزنان لە شوناس و زمانی کوردی زانی و هیوای خواست بە پاڵپشتیی حکوومەتی ئێران ئەو جۆرە پرۆگرامانە درێژەیان هەبێت و ببنە ئاسۆیەکی ڕوون بەڕووی زمان و ئەدەبی کوردی.
Your Comment