حوسێن ئەمیرعەبدوڵڵاهیان، وەزیری دەرەوەی ئێران، دوای کۆتایی هاتنی کۆبوونەوەی وەزیرانی دەرەوەی ٣+٣، کە لە تاران بە تەوەری لێکۆڵینەوە لە پێشهاتەکانی قەفقازی باشوور بەڕێوەچوو، باسی لە دوایین پێشهاتەکانی فەلەستین کرد.
سەبارەت به پێشهاتەکانی فەلەستین وەزیری دەرەوەی ئێران هەروەها وتی: کۆماری ئیسلامی ئێران هه میشه هەڵوێستێکی ڕوون و دیاریکراوی هەبووه له چوارچێوەی بەها مرۆیییەکانی خۆی، به ها نه ته وه یی و ئایینییه کانی خۆی له باره ی پشتیوانی له بەرخۆدانی فەلەستینییەکان لە بەرامبەر دیاردەی ترسناکی داگیرکاری ئیسرائیل.
وتیشی: ئێمە درێژە بە پشتیوانی سیاسی و نێودەوڵەتی و میدیایی خۆمان بۆ بەرخۆدانی فەلەستین و بەرخۆدانی ناوچەکە لە دژی دیاردەی داگیرکاری دەدەین.
جەختیشی کرد: بەشێک لە وڵاتانی ڕۆژئاوایی بەتایبەتی لە ژێر ئیدارە و کاریگەریی ویلایەتە یەکگرتووەکانی ئەمریکادا هەوڵ دەدەن دیاردەی داگیرکاری ئیسرائیل بە تەواوی پشتگوێ بخەن و هەوڵ دەدەن بزووتنەوەی حەماس و بەرخۆدانی فەلەستین لە ناوچەکەدا سنووردار بکەن.
342/
