ئەمڕۆ (شەممە) ٢٢هەمین پێشانگای پسپۆڕیی نێودەوڵەتی پیشەسازی بە ئامادەبوونی ٤٢٦ کۆمپانیای ناوخۆیی و بیانی و "محەمەد مێهدی بەرادەران"، جێگری پیشەسازی گشتی لە وەزارەتی پیشەسازی و کانگا و بازرگانی کرایەوە.
بە پێی ڕاپۆرتی ئیرنا، ئەم پێشانگایە بە ئامادەبوونی ٤٢٦ کۆمپانیای ناوخۆیی و بیانی لەوان چین، ئاڵمان، ژاپۆن، تورکیا، ئیسپانیا، ئیتالیا، بەلجیکا، مالیزیا، تایوان، کۆریای باشوور، پۆڵەندا و هەنگاریا لە زیاتر لە ٣١ هەزار مەتر چوارگۆشەدا لە فەزای پێشانگاکەدا لە شوێنی پێشانگای نێودەوڵەتیی تاران کرایەوە.
سەندیکا و لقە پیشەسازییەکان پێکهاتوولە ئامێری بەرهەمهێنان، پیشەسازی چیمەنتۆ و پۆڵا، ئۆتۆماسیۆنی پیشەسازی، ئامێری پیشەسازی ، خزمەتگوزاری تەکنیکی ئەندازیاری و وەرشەی ئامێر، خزمەتگوزاری تەکنیکی-ئەندازیاری و وەبەرهێنان، پیشەسازییە پێشکەوتووەکان، و ئامێری سەلامەتی، نوێترین دەستکەوتەکانیان خستووەتەڕوو .
ئەم پێشانگەیە بۆ ماوەی 4 رۆژ بەردەوامە .
342/
