بە ڕاپۆرتی ئاژانسی هەواڵی ابنا -دانوستانی ئێران و عەرەبستان لە چەند مانگ لەمەبەرەوە لە عێراق دەستپێبووە و لە حیسابکردنی دانیشتنی ئەم دواییانە کە پێنجشەممەی حەوتەی رابردوو لە بەغدا بەڕێوەچوو ، دو لایەن تا ئێستا 5 گەڕ دانوستانیان ئەنجامداوه .
رۆژی رابردووش بەغدا میوانداری گەڕی نوێی دانوستانی نێوان تاران و ریاز بوو .
بە پێی راپۆرتی ئەلجەزیرە ، فواد حسێن وەزیری دەروەی عێراق ئەمڕۆ دوشەممە لە لێدوانێک دا گوتی ، کۆماری ئیسلامیی ئێران و عەرەبستان لە دانوستان دا بە یادداشتێکی تەبایی 10 بڕگەیی گەیشتوون .
فواد حسێن گوتیشی ، ھەر لەم ئاڕاستەیەدا بڕیارە دوای جەژنی رەمەزان ، شاندێک لە کۆماری ئیسلامیی ئێرانەوە بۆ لێکدانەوەی پرسە جیاجیاکان بە تایبەت پرسە ئەمنیەکان سەردانی عێراق بکات .
342/
