«حەسەن نازم» وتەبێژی ئەنجومەنی وەزیرانی عێراق ئێوارەی ڕۆژی سێ شەممە لە پرێس کۆنفرانسێکدا وتی: تەواوی ئەوانەی کە بەشداریی ھەڵبژاردنیان کردووە ئامانجیان خزمەتکردنی عێراقە. ناڕەزامەندی بەرامبەر بە دەرەنجامەکانی ھەڵبژاردنیش مافی دەستەبەر کراوی جەماوەرە بە گوێرەی یاسای بنەڕەتی.
نازم وتیشی: «مستەفا کازمی» سەرۆک وەزیرانیش لە سەر مافی یاسایی ھەمووان لەمەڕ ناڕەزامەندی دەربڕین لە چوارچێوەی یاسادا پێی داگرتووە.
ناڕەزامەندان بەرامبەر بە دەرەنجامی ھەڵبژاردنە پێشوەختەکەی پەرلەمان ڕۆژی ڕابردوو بۆ سێھەمین ڕۆژی بەردەوام ڕژانە نێو شەقام و بازاڕی شارە جۆربەجۆرەکانەوەو بە زەڵدانی دروشمی دژی ئەمریکی داوای ژماردنەوەی دەستیی دەنگەکانیان کرد.
342/
