ئەمریکا بە گەورەترین وڵاتی ئابڵوقەدەر لە جیهان دادەنرێت، کە هاوتەریب لەگەڵ ئامانج و بەرژەوەندییەکانیدا زۆرترین مێژووی هەیە لە جێبەجێکردنی هەموو جۆرە سزایەک بەسەر وڵاتانی دیکەدا.
ئەم سزایانە کە بە بیانووی جۆراوجۆر بەسەر وڵاتانی سەربەخۆدا سەپێندراوە، لەوانە ئێران، بووەتە هۆی لەمپەری دەستڕاگەیشتنی ئەو وڵاتانە بە بازاڕە جۆربەجۆرەکانی جیهان، لەوانەش بۆ دابینکردنی پێداویستی پزیشکی، کەرەستە و دەرمان.
بەپێی ڕاپۆرتی ئاژانسی هەواڵی ئیرنا، گرووپی ٧٧+ چین دوێنێ هەینی بە دەرکردنی بەیاننامەیەک لە ڕێککەوتنی ئەتۆمیدا پشتیوانی لە تاران کردووە، لە هەمان کاتدا بە ڕاشکاوی دژایەتیی ڕێوشوێنە ئابووری و بازرگانییە تاکلایەنەکانی دژی کۆماری ئیسلامیی ئێران کردووە.
ئیسحاق ئالی حەبیب، ڕاوێژکاری وەزیری دەرەوەی کۆماری ئیسلامیی ئێران و نوێنەری ئێران لە ٤٦هەمین کۆبوونەوەی وەزیرانی دەرەوەی گرووپی ٧٧ وڵات جگە لە چین، هەروەها وتی: کۆماری ئیسلامی ئێران میوانداریی زۆرێک لە کەسانی بیانی دەکات سەرەڕای ئەو کێشانەی کە بەهۆی سزا ئابوورییە نایاساییەکانی تاکلایەنەوە دروست دەبن، هەروەها ئاسانکاری پێویستی بۆ پەروەردە و خۆراک و تەندروستی هاووڵاتیانی بیانی بەبێ هیچ جیاوازییەک دابین کردووە.
342/