کاردانەوەی هادی عامری بە گەمارۆی ئاسمانی ئێران لە لایەن دەوڵەتی عێراقەوە

 هادی عامری سەرۆکی ڕێکخراوی بەدر ڕەخنەی توندی لە بڕیارەکەی حکومەتی عێراق گرت بۆ سەپاندنی سنووردارکردنی گەشتە ئاسمانییەکانی ئێران و داوای لە بەغدا کرد ئەو بڕیارە پێچەوانە بکاتەوە و بە پێچەوانەی مافەکانی مرۆڤ و یاسا نێودەوڵەتییەکانی ناوبرد.

هادی عامری، سەرۆکی ڕێکخراوی بەدر، وێڕای شەرمەزارکردنی گەمارۆکانی ئەمریکا بۆ سەر کۆماری ئیسلامی ئێران و بە تایبەت گەمارۆکانی ئەم دواییەی سەر گەشتە ئاسمانییەکانی ئێران، ئەو ڕێوشوێنانەی بە "نائەخلاقی و نامرۆڤانە" و پێچەوانەی یاسا نێودەوڵەتییەکان و مافی مرۆڤ وەسف کرد.

لە میانی وتارێکی گشتیدا، عامری ئاماژەی بەوەدا کە ئەمریکا هەوڵدەدات لە ڕێگەی ئەو جۆرە بڕیارانەوە فشار بخاتە سەر گەلانی ناوچەکە و داوای لە حکومەتی عێراق کرد وەڵامی ئیرادەی خەڵکی ئەم وڵاتە بداتەوە و بڕیارەکەی بۆ جێبەجێکردنی ئەو سنووردارکردنانە پێچەوانە بکاتەوە و ڕێگری لە فڕینی فڕۆکە ئێرانییەکان نەکات بۆ عێراق.