بە ڕاپۆرتی ئاژانسی هەواڵی ابنا - بەگێڕانەوە لە میدل ئیست نیوز، بەرهەم ساڵح سەرۆک کۆماری ئێراق لە وتاردانێکی تەلەفزیۆنی کە ئەمڕۆ بڵاوکرایەوە وتی کە هەموو ساڵێک لەو رۆژانەدا خەڵکانی ئازادە ڕوو دەکەنە سەروەری ئازادەکانی ئیمام حوسێن(ع) و بە ئیرادەیەکی نیشتمانیی یەکگرتوو و بڕوایەکی قووڵ بە بەها بەرزەکان کە مایەی پەیوەندیی ئەوانە، بەرەو بارەگای ئەو حەزرەتە دەکەونەڕێ ، هەتا بێژن کە حوسین(ع) ئیمام و هێمای هەژاران و بێ بەشکراوان و ڕووگەی کەسانێکە کە بۆ نیشتمانەکەیان هەوڵ دەدەن.
سەرۆک کۆماری ئێراق وتی کە ئیمام حوسێن(ع) فێری ئێمەی کرد، سەختی و دژواریەکان وەپشت سەر بنێین و بۆ نیشتمانمان و مرۆڤایەتی هەوڵ بدەین و قسەو کردەمان یەک بێ و بەئیرادەو ورەوە لەهەڵی ڕاپەڕاندنی کاروبارەکان بەباشترین شێوە بین.
ناوبراو هیوای خواست، ئەو بۆنەیە ئیرادەی هەمووان بەهێز دەکا بۆ پاراستنی نیشتمان و چاکسازیی خوازی و بەرەنگاربوونەوەی گەندەڵی و هەمووان لەحاند ئاستی کێشەکان و ئەو هەڕەشەو گوڕەشانەی ئێراق لەو بارودۆخە ئاڵۆزەی ناوچە لەگەڵیاندا بەرەوڕوویە، بەئاگا بکاو ناچاریان بکا نیشتمان بپارێزن و ڕەوتی چاکسازیی بەردەوام بکەن.
.........
340
