ئەگەری گەیشتنی هێزی سەربازیی تورکیا بە باکووری ڕۆژهەڵاتی سووریا

(ABNA24.com) بە پێی ڕاپۆرتی ماڵپەڕی هەواڵی تایم تورک؛ "ڕەجەب تەیب ئەردوغان" لە لێدوانێکدا لە ئانکارا وتیشی: ئەولەوییەتی تورکیا دیپلۆماسییە بەڵام بێتوو داخوازەکانی ئەم وڵاتە جێبەجێ نەکرێ، گەڵاڵەکەی خۆی دێنێتە مەیدانەوە و هێزەکانی دەنێرێتە نێو خاکی ڕۆژهەڵاتی ڕووباری فورات.

ناوبراو ئاماژەی کردە سەرفەری ئەمڕۆ سێشەممەی خۆی بۆ ڕووسیا و دیداری لە گەڵ کاربەدەستانی ئەم وڵاتە لەوان "ڤیلادمیر پوتین" ی هاوتای ڕووسی خۆی و هیوای خواست پرسەکانی ئەمدواییەی پارێزگای ئیدلیب چارەسەر بکرێن.

سوپای سووریا لە پەلامارەلانی چەن رۆژی ڕابردوویدا سەرەتا شاری گرینگ و ستراتژیکی "خان شێخوون"ی ئازاد کرد و پاشان گەیشتە شارۆچکەکانی «اللطامنه، لطمین، مورک، معرکبه و کفرزیتا»  و ئەوانەی یەک لە دوای یەک پاکتاو کرد.

قسەکانی ئەردوغان لە کاتێکدایە کە سوپای تورکیا لە دوو ئۆپەراسیۆنی قەڵغانی فورات و چڵەزەیروون بە هاوکاری گرووپە تیرۆریستییەکانی داکۆکی کراو لە لایەن خۆیەوە، چوار هەزار کیلۆمەتر لە خاکی سووریا لەوان شارەکانی الباب، اعزاز، جرابلس و عفرینی لە باکووری ئەم وڵاتە داگیر کردووە.

دەوڵەتی سووریا بە داگیرکەر ناو بردنی دەوڵەتی تورکیا لەبەر ئەنجام دانی ئۆپەراسیۆنی سەربازی لە ناوچەی عەفرین و ناوچەکانی دیکەی باکووری سووریا، بەردەوام خوازیاری چوونەدەری هێزەکانی سوپای تورکیا لە خاکی سووریا بووە.



/129