کوژرانی چوار کەسی مەدەنی سوری لە پەلاماری ئاسمانیی رژێمی ئیسراییل بۆسەر دەوربەری دیمشق

(ABNA24.com) لە پەلاماری سەرلەبەیانیی ئەمڕۆی ئەرتەشی رژێمی زایۆنی بۆسەر دەوربەری دیمشق چوار کەسی مەدەنی سوری لەوان مناڵێکی شیرەخۆرە ، کوژران .

بەپێی راپۆرتی هەواڵدەریی فەرمیی سوریا ( سانا ) لەم پەلامارە  ئاسمانیەدا بۆسەر دەوربەری دیمشق ، 21 کەسی مەدەنی دیکەی سوریش بریندار بوون.

بەرگریی ئاسمانیی ئەرتەشی سوریاش چەندین موشەکی بەرپەرچدایەوە کە لە لایەن فڕۆکە جەنیگەکانی رژێمی زایۆنی لە لوبنانەوە بەرەو پارێزگەی حومس لە ناوەندی سوریا و دەوربەری دمشق هاویژرابوون .

رژێمی زایۆنی هەروەها لە پەلامارێکی دیکەدا ، ناوچەیەکی لە گومرکاتی سوریا لە ناوچەی شەنشار لە شاری قەسیر لە نزیک سنووری لوبنان پێکا .

 رژێمی زایۆنی هەمیشە بۆ داکۆکی وپشتیوانی لە تیرۆریستان ، بنکە و بارەگای ئەرتەش و ژێرخانەکانی سوریا دەپێکێ .



/129