هێزەکانی ئەمەریکا لە کوردستاندا بەبی ئەوەی نرخێک بۆ حکومەتی هەرێم دابنێن لە هەرکوێ بیانەوێت بنکەی سەربازی دەکەنەوە ، ئەمجارە سەرەی هەڵەبجەیە ، بنکە سەربازیەکانی ئەمەریکا لە هەرکۆێ ببن لەوناوچەیەدا نا ئارامی و نا ئەمنی دروست دەبێت ، سەربازە ئەمەریکیەکان لە هەرشاریکدا ببن لەو شارەدا بەشوێن بێ ئەخلاقی و بێ بەندو باریدا دەگەڕێن ،
جگە لەوانەش سەربازگەی ئەمەریکا لە هەڵەبجە دا بکرێتەوە نیشانەی شەڕە لەگەڵ ئێراندا وە لەوناوچەیەدا دەزگا هەواڵگریەکان دەست بەکار دەبن بۆ کۆکردنەوەی هەواڵ بەسەر ناوچەکەوە و چالاکیەکانی یەکتر لە بەرچاو دەگرن ، ئەوەش هەردەبێتە مایەی ئاڵۆزی ناوچەکە ، هەروە ها دوێنێ بۆڵتۆن داوای لە پێنتاگۆن کردوە نەخشەی هێرشی سەربازی بۆ سەر ئێران ئامادە بکات ، لەوانەیە ئەو سەربازگەیە لەو چوارچێوەیەدا بکاتەوە ، کە ئەوەش هیچ بەسودی ناوچەی هەڵەبجە نییە .
ئەگەر خەڵکی هەڵەبجەو ناوچەی شارەزور توانایان ببوایە دەبوو لە دژی ئەو سەربازگەیە برژانایەتە سەر شەقامەکان و بەرگریان لە دروست کردنی بکردایە .
بەڵام وا پێدەچێت نە حکومەت و نە خەڵکیش توانای ئەو جوڵانەوەیەیان نەبێت ، تا ئازارەکان نەچێژن نازانن دروست کردنی سەربازگەیەکی بێگانە بەمانای چی دێت لەکاتێکدا بێگانەکە لەگەڵ ووڵاتی هاوسێش دوژمن بێت ، کەواتە هەموو ناخۆشیە نەرینیەکان بۆ خەڵکی ناوچەکە دەبێت .
