ئێران و ڕوسیا ده‌یانه‌وێت جه‌نگ له‌سوریا كۆتایی‌ پێ بێت

تاران و موسكۆ وێڕای‌ په‌ره‌پێدانی‌ په‌یوه‌ندیه‌كانیان, هه‌وڵه‌كانیان چڕ ده‌كه‌نه‌وه‌ به‌مه‌به‌ستی‌ كۆتاییهێنان به‌ جه‌نگ له‌سوریاو گه‌ڕانه‌وه‌ی‌ ئاشتی‌ بۆ ئه‌و وڵاته‌.

بە پێی هەواڵ دەری ئەهلوبەیت ع.ابنا: له‌و چوارچێوه‌یه‌دا ئه‌مڕۆ ئه‌لیكسه‌نده‌ر لاڤرنتیڤ نوێنه‌ری‌ باڵای‌ ڤلادیمێر پوتن سه‌رۆكی‌ ڕوسیا سه‌ردانی‌ ئێرانی‌ كردو له‌لایه‌ن عه‌لی‌ شه‌مخانی‌ سه‌رۆكی‌ ئه‌نجومه‌نی‌ باڵای‌ ئاسایشی‌ نه‌ته‌وه‌یی‌ ئێرانه‌وه‌ پێشوازی‌ لێكرا.

له‌و دیداره‌دا ئه‌و دوو گه‌وره‌ به‌رپرسه‌ی‌ ئێران و ڕوسیا كه‌ دوو هاوپه‌یمانیی‌ سه‌ره‌كین له‌ناوچه‌كه‌دا, ته‌ئكیدیان له‌په‌ره‌پێدانی‌ په‌یوه‌ندیه‌كانی‌ نێوان هه‌ردوو وڵات كرده‌وه‌ له‌سه‌رجه‌م بواره‌كانداو باسیان له‌و هه‌وڵه‌ سیاسیانه‌ش كرد ده‌درێن به‌مه‌به‌ستی‌ كۆتاییهێنان به‌ جه‌نگ له‌ سوریاو گه‌ڕانه‌وه‌ی‌ ئاشتی‌ بۆ ئه‌و وڵاته‌.