شه‌ری‌ نێوان داعش و ئيسرائيل

سوپای‌ ئیسرائیل 4 چه‌كداری‌ داعش ده‌كوژێت

فڕۆكه‌یه‌كی سوپای ئیسرائیل، ئۆتۆمۆبێلێكی‌ چه‌كدارانی داعش له‌ به‌رزاییه‌كانی جۆلان بۆردومان ده‌كات و چوار چه‌كداری ئه‌و رێكخراوه‌ ده‌كوژێت.

كۆلۆنێل پیته‌ر لیرنه‌ر، له‌ سوپای ئیسرائیل رایگه‌یاند: دوای ئه‌وه‌ی ئۆتۆمۆبێلێكی چه‌كدارانی داعش ته‌قه‌یان له‌ هێزێكی سوپا كردوه‌ له‌ ناوچه‌ی جۆلان، دواتر له‌لایه‌ن سه‌ربازانی سوپاوه‌ وه‌ڵامدراونه‌ته‌وه‌، وتیشی: له‌ سنوری سوریاوه‌ به‌ ئاڕاسته‌ی هێزه‌كانیان ته‌قه‌ كراوه‌ و دواتریش فڕۆكه‌ جه‌نگییه‌كانی ئیسرائیل، ئه‌و ئۆتۆمۆبێله‌یان بۆردومان كردوه‌ و چوار چه‌كداری داعشیان كوشتوه‌.

ڕوونیشی كرده‌وه‌: له‌ هێرشی چه‌كدارانی داعشدا، سه‌ربازانی سوپای ئیسرائیل هیچ زیانێكیان به‌رنه‌كه‌وتوه‌.

به‌رزاییه‌كانی جۆلان كه‌ ده‌كه‌وێته‌ سنوری سوریاوه‌،  له‌ ساڵی 1967ه‌وه‌ له‌لایه‌ن ئیسرائیله‌وه‌ كۆنترۆڵ كراوه‌ و تائێستاش جێی ناكۆكی هه‌ردوو حكومه‌تی دیمه‌شق‌و ئه‌لئه‌بیبه‌.