لە جەژنی پیرۆزی قوربان ئەو حاجیانە کە چوونەتە زیارەتی ماڵی خودا ، بە فەرمانی خوداوەند و بۆ ڕەزامەندی ئەو قوربانی دەکەن و بیرەوەری پێغەمبەری مەزنی ئیلاهی ، حەزرەتی ئیبراهیم (ع) زیندوو و ڕێزی لێوە دەگرن .
خوداوەند بۆ تاقیکردنەوەی ئیمان وئیخلاس فەرمانی دا بە حەزرەتی ئیبراهیم (ع) کە رۆڵەی خۆی حەزرەتی ئیسماعیل (ع) لە ڕێگای خودا دا قوربانی بکات .
حەزرەتی ئیبراهیم (ع) سەرەڕای دژوار بوونی ئەو کارە ، مڵکەچی فەرمانی ئیلاهی بوو و بۆ ئەنجام دانی ئەم فەرمانبەریەتیە ئامادە بوو بەڵام هەرچی هەوڵی دا ، چەقۆکە گەرووی کۆرەکەی حەزرەتی ئیسماعیل (ع) نەبڕی .
هەر لەم حالە دا بۆ حەزرەتی ئیبراهیم (ع) وەحی نازل بوو کە ئەم تاقیکاری ئیلاهیەی بە سەربەرزییەوە تێپەراندووە و ئەوکاتە مەڕێکیان بۆ بەڕیکرد تا بە جێگای حەزرەتی ئیسماعیل (ع) ، قوربانی بکات .
ئەو رووداوە جێ پەند وەرگرتنە ، وانەی فیداکاریی و لەخۆبوردوویی ، زاڵبوون بە سەر هەوای نەفس و مڵکەچی بەرامبەر فەرمانی خوداوەندە. هەر بۆیە موسولمانەکانی جیهانیش ڕۆژی دەیەمی زیحەجە وەکوو جەژنێکی گەورە و بە شکۆی ئیسلامی ، ریز لێدەگرن و لەو فێری وانەی ئیخلاس و عەبدایەتی خوداوەندی تاکانەی بێ هاوتا دەبن .
ڕادیۆ وتەلەفەزیۆنی کۆماری ئیسلامی ئێران هاتنی جەژنی پیرۆزی قوربان لە هەموو موسولمانانی جیهان پیرۆز دەکات ...
کۆتایی کورتە نامە/310
