ئەمڕۆ جارێکی تر یەکێک لە ناوبژیوانانی قەتەر لەگەڵ ئێمە کۆبووەوە. تاوتوێمان کرد و بیروڕامان هێنایە ئاراوە کە چۆن ڕێگا بۆ جێبەجێکردنی مەرجەکانی ئێران خۆش بکەین و چۆن ئەو مەرجانە بەدی بهێنرێت. بیرۆکەیان هەبوو و ئێمەش گفتوگۆمان لەسەر کرد.
بڕیارە جارێکی تر ئەم بابەتە لەگەڵ لایەنی ئەمریکی بوروژێنن و دواتر وەڵامی کۆتایی لایەنی ئەمریکی لە ڕێگەی نێوەندگیری قەتەرەوە پێمان دەگەیەنرێت. هیوادارن تا سبەی ئەم کارە ئەنجام بدرێت.
ئەگەر وەڵامێک هەبێت قەتەرییەکان دەیگەیەنن و لەسەر بنەمای ئەو بڕیار لە تاران دەدرێت.
مەرج هەیە لەلایەن ڕێبەری باڵای شۆڕشی ئیسلامییەوە، و دەبێت ئەو مەرجانە جێبەجێ بکرێن بۆ ئەوەی گەرووی هورمز بکرێتەوە و ئەرکی ئێمەش ئەوە بوو کە لایەنی ئەمریکی لەو مەرجانە ئاگادار بکەینەوە، هەروەها هەموو وڵاتانی دیکە و کۆمەڵگەی نێودەوڵەتیش، بۆ ئەوەی ئاگادار بن کە ئێران پلانێکی لەو بارەوە هەیە.
Your Comment