مەسعوود پزشکیان پاش‌نیوەڕۆی ئەوڕۆ (دووشەممە 17ی خەرمانان)، لە دانیشتنی ئۆنلاینی نائاسایی سەرکردەکانی بریکس کە تایبەت بوو بە لێکدانەوەی دۆخی ئێستاکەی جیهان بە تەرکیز لە سەر بەستێنی ئابووری و هەلومەرجی سیستەمی چەندجەمسەری، وتارێکی سەبارەت بە زەروورەتی داڕشتنەوەی تەکوزیی جیهانی ئێستا و پێویستی بە ڕیفۆڕمی شلگێڕانەوە لە پێکهاتەی سەروەری جیهانی ئاراستە کرد و ڕایگەیاند: لەو ڕێبازەدا گرووپیگەلێکی وەک بریکس و دامودەزگاکانی تری باشووری جیهانی، بەرپرسایەتییەکی تایبەتیان لە ڕێنوێن‌‌کردنی بەرەو تەکوزییەکی چەندجەمسەری، دیموکراتیک و دادپەروەرانە لە ئەستۆیە؛ تەکوزییەک کە تێیدا دەنگی هەموو وڵاتان بە تایبەت وڵاتانی ڕوو لە گەشە ببیسترێت.
پزشکیان بە ئاماژە بەوەی کە بریکس لەوڕۆدا نە تەنیا نوێنەری ئابوورییە تازە سەرهەڵداوە و ڕوو لە گەشەکانە، بەڵکوو ئاڵاهەڵگری هیوا بۆ چێکردنی تەکوزییەکی جیهانی دادپەروەرانەتر، یەکسان‌تر و بەپیت‌ترە، ڕاشیگەیاند: جێهانی ئێمە خەریکی تێپەڕین بە قۆناغیکی پڕ ئاستەنگە. گوشارە تەشەنەدارەکان لە هەڵمەتی زۆرەملێی تاک‌جەمسەری، سەپاندنی گەمارۆگەلی نایاسایی و کەلێنە کۆمەڵایەتی و ئابوورە پەرەئەستێنەکان، ڕوویەکی دزێۆ و مەترسیداری لە تەکوزیی نوێ داڕشتووە و هاوکات ناکۆکییە ژێئۆپۆلیتیکییەکان و قەیرانی ڕوو لە زیادبوونی گۆڕانکارییە هەرێمییەکان نە تەنیا گەشەی ئابووری، بەڵکوو بنەمای ئاشتی و ئاسایشی نێودەوڵەتیی بەرەوڕووی مەترسی کردووە.
ناوبراو بە هوشداردان لەبارەی هەڕەشەی بەرزبوونەوەی هەڵمەتی تاک‌جەمسەری و بەئامرازکردنی گەمارۆ و ئاستەنگە ئابوورییەکان بۆ سەر دادپەروەری و سەقامگیری لە تەکوزیی نێودەوڵەتیی هاوچەرخدا، جەختی کرد: لە کەشێکی ئاوادا بریکس دەتوانێ و دەبێ ڕۆڵێکی گرینگ و پێشڕەو لە هەمبەر ئەو ڕەوتە مەترسیدارەدا بگێڕێت. ئەم هاوپەیمانییە چالاک و کاریگەرە، بە پشتبەستن بە فرەچەشنی و هاوڕیزی، دەفرایەتی ئەوەی هەیە کە دەنگێکی یەکە و بەهێزی بۆ بەرگری لە سەروەری نیشتمانی، ڕێزی بەرامبەر و چارەسەریی ناکۆکییەکان لە ڕێگەی گفتوگۆ و هاوکاریی چەندجەمسەرانەوە هەبێت.
Your Comment