بە ڕاپۆرتی ئاژانسی هەواڵی مێهر لە ئەلجەزیرەی قەتەر، سەید عەباس عێراقچی وەزیری دەرەوەی ئێران لە گفتوگۆ لەگەڵ کەناڵی CBS ئەمریکا و بە ئاماژە بە هێرشەکانی ئیسرائیل بۆ سەر ئێران وتی: ئێمە 12 ڕۆژ شەڕی سەپێندراومان تێپەڕاند، کەواتە خەڵکی ئێمە بە ئاسانی دەست لە پیتاندن هەڵناگرن.
ناوبراو جەختی کرد: بۆ بڕیار لەسەر دەستپێکردنەوە دانوستانەکان، ئەبێ سەرەتا دڵنیا ببینەوە کە واشنتۆن لە ئەو دانوستانانە، جارێکی دیکە هێرشی سەربازی ناکاتە سەرمان بەڵام خۆ دەرکەی دیپلۆماسی هەرگیز داناخرێت.
عێراقچی وتیشی: پێم وانەبێت دانوستانەکان بەمزووانە دەست پێبکاتەوە. هەروەها بە ئاماژە بە پێشکەوتنە تەکنیکییەکانی ئێران وتی: تەکنۆلۆژیا و زانستی پیتاندن بە بوردمان لەناو ناچێت.
Your Comment