شەشەمین خولی نێودەوڵەتیی مێهرەجانی هەڵپەڕكێی بانە، ئەمڕۆ چوارشەممە بە وتاردانی عەلی‌ئەسغەر دەریایی بەڕیوەبەری گشتیی ئیدارەی فەرهەنگ و ئیرشادی پارێزگای کوردستان و بەرپرسانی شار لە هۆڵی ئیدارەی ئیرشادی ئەو شارە چالاکییەکانی دەست پێکرد.
بە گوێرەی ڕاگەیاندنی بەرپرسی مێهرەجانەکە، ئەم خولە لە مێهرەجانی هەڵپەڕكێ بە نمایش و ڕکابەریی 12 گرووپی ناوخۆیی و دەرەوەیی، بۆ ماوەی سێ ڕۆژ بەردەوام دەبێت و بڕیارە ڕۆژی هەینی بە هەڵبژاردنی گرووپە سەرکەوتووەکان کۆتایی بە چالاکییەکانی بێنێت.
مەحموودزادە وێڕای هیواخواستن بۆ ناسرانی شاری بانە بە پایتەختی هەڵپەڕکێی جیهان، وتیشی: لەم خولەدا 10 گرووپی دەرەوەیی لە جێ‌جێی جیهان و لەوان لە شاری دهۆکی هەرێمی کوردستان و شاری جۆلەمێرگی تورکیا بەشدارییان نواندووە.
ناوبراو ئاماژەی بەوەش دا: لە پەنای نمایشی هەڵپيڕکێ، چەندین کارگە و پەنێلی پسپۆڕانەی تایبەت بە ناساندنی هەڵپەڕکێی کوردی بەڕیوە دەچێت
Your Comment