به پیی هه وال ده ریی ئالو به یت(ع) ـ ابنا ـ محەمەد باقر قاڵیباف ئەمڕۆ ئاماژەی کردە سەر مەبەستی دوژمن لە گەمارۆکان و دروست کردنی مەترسی لە سەر وڵاتی ئێمە و وتی: ئەوان بەو شێوە دەیانەوێ یەکگرتوویی میلەتی ئیسلامی بکەنە ئامانج. بێ گومان لە وەها دۆخێکدا گرینگایەتی بابەتی فەلستین، ئێمە نوێنەرانی پارلەمانی وڵاتە ئیسلامییەکان لە دەوری یەک کۆ دەکاتەوە تاکوو دیسانەوە بۆ پشتیوانی لەم وڵاتە و پاراستنی قودسی پیرۆز وەکوو بەشێک لە شۆناسی هاوبەشی ئایینی موسوڵمانان هەوڵ بدەین و پەیمان ببەستین.
ناوبراو وێڕای جەنایەتەکانی ئیسرائیل دژی خەڵکی فەلستین، روونی کردەوە: کۆماری ئیسلامی ئێران وەکوو پشتیوانی فەلستین، 12 ساڵ لەمەوپێش و لە یەکەمین ساڵوەگەڕی دەسدرێژی 22 ڕۆژەی ڕژیمی زایۆنی دژی غەزە، بە مەبەستی ڕێز گرتن لە خەڵکی فەلستین و بەرەی بەرخۆدان، ڕۆژی 29ی بەفرانباری وەکوو ڕۆژی "غەزە، هێمای خۆڕاگری فەلستین" ناوزەد کرد و ئەم ڕۆژە بۆ هەتاهەتایە لە ڕۆژژمێری ئێراندا تۆمار کراوە و دەمێنێتەوە.
قاڵیباف داکۆکی کرد: ئەمرۆ دیسانەوە کۆ بووینەوە تاکوو رایبگەینین کە ئەمرۆ لە جیهانی ئیسلامدا هیچ شتێک وەکوو قودس گرینگ نییە و دەسدرێژی بۆ سەر غەزە نالەبارترین کاری ڕژیمی زایۆنی پاش شەڕی دووهەمی جیهانییە کە لە دڵ و گیانی جیهانی ئیسلامدا دروست بووە.
ئەو ئاماژەی کردە سەر جینایەتە دلهەژێنەکانی ئەو رژیمە لە فەلستین و وتیشی: خراپتر لەوەش بێدەنگی وڵاتان و ڕێکخراوە جیهانییەکان و لەبەرچاو نەگرتن و پێشێل کردنی مافی خەڵکی فەلستین و یارمەتی دان بە ئیسرائیل بۆ درێژەدان بە دژبەریەکانی لە گەڵ فەلستینە.
سەرۆک پارلەمانی ئێران بەرگری کردنی ئیسرائیل لە هەناردە کردنی ڤاکسین بۆ فەلستینییەکانی وەکوو کارێکی نائاسایی ناو برد و وتی: ئەوە کارێکی دڵتەزێنە کە دڵی هەر مرۆڤێکی خاوەن دین و ئایین دەهەژێنێت.
ئەو هەروەها دەنگ هەڵهێنان و پشتیوانی لە خەڵکی فەلستینی وەکوو ئەرکێکی مرۆیی زانی و وتی: ئەو کارانەی لە بەرەی ئەمریکی- زایۆنیستی دەکرێت مەبەستی لێک دابڕانی وڵاتە ئیسلامییەکانی ناوچە، تاراندنی خەڵکی فەلستین لە وڵاتی خۆیان و هەروەها ڕووخاندنی مزگەوتی ئەلئەقسایە.
قاڵیباف ڕایگەیاند: بەختەوەرانە ئەمڕۆ میلەتی فەلستین وشیار و وریایە و نابێتە دیلی ئەم پیلانانە. بڕوامان وایە کە خەڵکی فەلستین چاوپۆشی لە مافی خۆیان ناکەن و ئەرکی ئێمەیە کە پشتیوانیان لێ بکەین.
ئەو لە کۆتاییشدا ناو و یادی شەهید سەردار سولەیمانی بەرز ڕاگرت و وتی: ئەو کەسایەتییە بەنرخە قارەمانی نێونەتەوەیی بەرەنگاری لە گەڵ تیرۆریزمە و لە لایەن خەڵکی فەلستینەوە وەکوو "شەهیدی قودس" ناوی لێ دەبرێت.
