بە ڕاپۆرتی ئاژانسی هەواڵی ابنا - "مەحمود واعیزی"سەرۆکی ئێرانیی کۆمیسیۆنی هاوبەشی هاوکارییە ئابوریەکانی ئێران و تورکیا لەو دانیشتنەدا وتی: گرینگترین ئەولەویەتی ئەو کۆمیسیۆنە، خێراکردنی ڕەوتی پراکتیکی کردنی ڕێککەوتنەکانی دوو وڵات لەبواری ئابوری و تیجارییە.
واعیزی وتیشی: ئێران هیچ بەربەستێکی نییە لەبەردەم گەشەپێدان و پەرەپێدانی هاوکاریی لەگەڵ تورکیاداو سەرباری گشت ئەو گرفتانەی بایکۆتی نایاسایی ئەمریکا بەدیهێناوە، بە چالاکترکرانی کەرتی تایبەت و ڕێکارە دەسپێشخەرییەکان، ڕەوتی گەشەپێدان درێژەی دەبێ.
"فاتیح دونمز"ی وەزیری وزەی تورکیاش لەو چاوپێکەوتنەدا، پێشنیاری سەرۆک کۆمارانی ئێران و تورکیا بۆ تیجارەتی ٣٠ملیارد دۆلاریی لەساڵدای بەواقع بینانە زانی و وتی: حکومەتی تورکیا هەموو هەوڵی خۆی دەخاتە گەڕ بۆ پاراستن و گەشەپێدانی پەیوەندییە ئابوریەکان و هاتنەدی ڕێککەوتنەکانی نێوانیان.
بیست و حەوتەمین دانیشتنی کۆمیسیۆنی هاوبەشی هاوکارییە ئابوریەکانی ئێران و تورکیا هەتا سبەی چوارشەممە درێژەی هەیە.
.......
340
