بە ڕاپۆرتی ئاژانسی هەواڵی ابنا - بە پێی ڕاپۆرتی هەواڵدەریی ئیسنا؛ "عەلی ئەکبەر ساڵحی" سەرۆکی ڕێکخراوی وزەی ئەتۆمیی ئێران کە ئەمڕۆ یەکشەممە لە سەروی شاندێکەوە بەرەو ڤییەنا وەڕێکەوت، لە شەست و سێهەمین کۆبوونەوەی گشتیی ساڵانەی ئاژانسی نێودەوڵەتیی وزەی ئەتۆمی وتار پێشکەش دەکات.
ساڵحی لە پەراوێزی ئەو کۆنفرانسەدا دیدار و وتووێژی دەبێ لەگەڵ ژمارێک لە سەرۆکانی ڕێکخراوەکانی وزەی ئەتۆمی وڵاتانی جۆربەجۆر.
شەست و سێهەمین کۆبوونەوەی گشتیی ساڵانەی ئاژانسی نێودەوڵەتیی وزەی ئەتۆمی لە سبەی (دووشەممە)ـەوە لە ڤییەنا کاری خۆی دەست پێ دەکات.
بەهێزتر کردنی کاریگەری و شوێنهاتەکانی جێبەجێ کرانی پەیمانەکان و کەڵکی زیاتر وەرگرتن لە تەکنۆلۆژیای ئەتۆمی بۆ گەشەپێدان لەو بابەتانەیە کە نوێنەرانی وڵاتانی ئەندامی ئاژانسی نێودەوڵەتیی وزەی ئەتۆمی دەیخەنە بەر باس و لێکدانەوە.
......
340
