به‌رپرسی سیاسه‌تی ده‌ره‌وه‌ی یه‌کێتی ئه‌ورووپا ڕایگه‌یاند که بڕی 400 ملیۆن یۆرۆ بۆ ئاوه‌دانکردنه‌وه‌ی عێراق ته‌رخان ده‌کات.
نووسینگه‌ی سه‌رۆکی په‌رله‌مانی عێراق ڕایگه‌یاندووه که محه‌ممه‌د حه‌لبوسی په‌یامێکی نووسراوی له فدریکا موگرینییه‌وه پێگه‌یشتووه که تێیدا جه‌خت له سه‌ر پاڵپشتی یه‌کێتی ئه‌ورووپا بۆ عێراق و هاوبه‌شی ئه‌م وڵاته کراوه‌ته‌وه.
یه‌کێتی ئه‌ورووپا به‌ڵێنی ئه‌وه‌شیداوه که بڕی 400 ملیۆن یۆرۆ بۆ ئاوه‌دانکردنه‌وه‌ی عێراق ته‌رخان ده‌کات.
موگرینی پاڵپشتی یه‌کێتی ئه‌ورووپای بۆ حکومه‌تی نوێی عێراق دووپات کردووه‌ته‌وه.
