ڕای جیاوازی ئەحمەد تورک لە سەر چەک دانانی کوردی سووریا

 ئەحمەد تورک، سیاسەتمەداری دیاری کورد و ئەندامی تیمی دانوستان لەگەڵ عەبدوڵڵا ئۆجالان، لە پانێڵێکدا لە ژێر ناوی “مافی هیوا و ئاشتی” کە لە لایەن لقی ماردینی کۆمەڵەی پارێزەرانی ئازادی (ئۆهەد)ەوە ڕێکخرابوو، باسی دەیەمین پاکێجی دادوەریی تورکیای کرد.

باسی لەوەشکرد، پاکێجەکە نەیتوانیوە چاوەڕوانییەکانی کۆمەڵگا بەدیبهێنێت و نیگەرانییەکانی بۆ سیاسەتمەدارانی کورد زیاتر کردووە.

ناوبراو هەروەها ئاماژەی بە وتووێژەکانی ڕابردووی لەگەڵ عەبدوڵڵا ئۆجالان کرد و جەختی لەوە کردەوە کە بۆ گەیشتن بە ئاشتی و دیموکراسی ڕێبازێکی نوێ و کۆمارێکی دیموکراسی پێویستە.

سەبارەت بە داواکارییەکانی چەکداماڵینی هێزەکانی سوریای دیموکرات، ئەحمەد تورک ڕایگەیاند، بە لەبەرچاوگرتنی بۆشایی دەسەڵات لە کوردستانی سووریا و هەڕەشەی بەردەوامی داعش، بانگەوازی چەکداماڵین ناڕاست بێنانەیە.

لە کۆتاییدا جەختی لەوە کردەوە کە سەرەڕای تەحەددیات و "گەمە سیاسییەکان"، بەردەوام دەبن لە هەوڵدان بۆ ئاشتی و هیچ دەسەڵاتێک ناتوانێت هیواکانیان لەناو ببات.