به پێی هەواڵ دەریی ئەهلو بەیت(ع) ، ابنا : ئه‌و لێدوانه‌ى عادل جه‌بیر، وه‌زیرى ده‌ره‌وه‌ى سعودییه دوێنێ چوارشه‌ممه له‌میانه‌ى دیدارێكیدا بوو له‌گه‌ڵ رۆژنامه‌نوسان له پاریس، له كۆتایى ئه‌و سه‌ردانه‌دا كه جێنشینى سعودییه ئه‌میر محه‌مه‌د بن سه‌لمان بۆ ئه‌و وڵاته ئه‌نجامیدا.
جه‌بیر وتى "حه‌شدى شه‌عبى تایفى یه و ئێران سه‌رۆكایه‌تى ده‌كات".
ئه‌وه‌شى وت، "پێشێلكارى هه‌بووه له‌میانه‌ى شه‌ڕى فه‌للوجه‌دا و باوه‌ڕمان وایه كه ئه‌و میلیشیایانه پێویسته هه‌ڵبوه‌شێنرێنه‌وه و سوپاى عێراق ئه‌ركى دژایه‌تیكردنى رێكخراوى ده‌وڵه‌تى ئیسلامى بگرێته‌ده‌ست".
