٢٨ کانونی یەکەم ٢٠٢٤ - ١٩:٣٥
سپۆتنیک: کوشتوبڕی حومسی سووریا ڕیکۆردی لێدا

لەگەڵ ڕووخانی دەوڵەتی بەشار ئەسەد و دەسەڵاتداریی تیرۆریستان لە سووریا، ڕیژەی کوشتوبڕ و جەنایەتەکان لەو وڵاتە و بەتایبەت لە پارێزگای حومس ڕیکۆردی لێدا.

 سپۆتنیک لە ڕاپۆرتێکدا بە گوێرەی سەرچاوەگەلی خۆجێی سووری ڕایگەیاند کە تەنیا لە چەند کاتژمێری ڕابردوودا، تەرمی ٦ کەس و لەوان پارێزەرێک لە گەڕەکی سەبیل لە شاری حومس دۆزراوەتەوە.

بەپێی ئەم ڕاپۆرتە، ئەو چەند کەسە لە لایەن کەسانی نەناسراوەوە کراونەتە ئامانج و هاوکات لەگەڵ هێرشی تیرۆریستانی تەحریرولشام بەرەو پارێزگای حومس لە ناوەندی سووریا، ڕێژەی ڕفاندن و کوشتوبڕی خەڵکی ئەو پارێزگایە لە چەند ڕۆژی ڕابردووەوە ڕیکۆردی لێداوە.

342/