بە پێی ڕاپۆرتی ئیرنا؛ خەڵکی غەززە بە وتنەوەی دروشم لە ئۆردوگای جبالیا، سەرکەوتنی هێزەکانی خۆڕاگریی فەلەستینی لەدژی ڕژێمی زایۆنیستی بەرز ڕاگرت.
فەلەستینییەکانی دانیشتووی کەمپی پەنابەرانی «نەهر ئەلبارد»یش کە دەکەوێتە باکووری لوبنان، دوای ڕاگەیاندنی ئاگربەست هاتنە سەر شەقامەکان و بەبۆنەی سەرکەوتنی بەرخۆدان لە غەززە ئاهەنگیان گێڕا.
فڕۆکە جەنگییەکانی ئیسرائیل لە سێشەممەی ڕابردووەوە هێرشی سەر غەززەیان دەست پێ کرد. لە بەرامبەر ئەم هێرشانەدا گرووپە خۆڕاگرەکانی فەلەستینیش بە موشەک تەلئەبیب و شارەکانی دیکەی ژێر ڕکێفی ڕژێمی زایۆنییان لە ناوچە داگیرکراوەکان کردە ئامانج.
342/