٢٣ کانونی یەکەم ٢٠١٩ - ١٠:١٤
ناساندنی قوسەی سوهەیل وەک بەربژاری هاویەیمانیی ئەلبەنا بۆ پۆستی سەرۆک وەزیریی عێراق

هاویەیمانیی ئەلبەنای عێراق لە نامەیەکدا بۆ سەرۆکی ئەم وڵاتە قوسەی عەبدولوەهاب سوهەیل ، وەزیری پێشووی پەروەردەی وەک بەربژاری پۆستی سەرۆک وەزیریی عێراق ناساند .

بە ڕاپۆرتی ئاژانسی هەواڵی ابنا - هاویەیمانیی ئەلبەنای عێراق بە سەرۆکایەتی هادی عامری ، لە نامەیەکدا بۆ بەرهەم ساڵح سەرۆکی عێراق ، رایگەیاند ، رابەرانی فراکسیونەکانی هاویەیمانیی ئەلبەنا ، قوسەی سوهەیل وەزیری پێشووی پەروەردەی عێراق وەک بەربژاری وەرگرتنی پۆستی سەرۆک وەزیریی ئەم وڵاتە دەست نیشان دەکەن .

 هاویەیمانیی ئەلبەنا لەم نامەیەدا لە بەرهەم ساڵحی  ویستووە سوهەیل کە خۆیان گوتەنی پسپۆڕی و توانایی زۆری لە بەڕێوەبەرایەتی داهەیە و دەسپاکە ، بەپێی  بڕگەی 76 ی یاسای بنەڕەتیی عێراق بۆ پێکهێنانی کابینە رادەسپێرێ .

 هاوکات بەرهەم ساڵح لە محەمەد حەڵبووسی سەرۆکی پەرلەمانی عێارقی ویست ، خێرا فراکسیۆنەکانی زۆرینەی پەرلەمان و بژارەی سەرۆک وەزیری راگەیەنێ .

بەرهەم ساڵح وتیشی بێتوو خەڵک لە گەڵ بەربژاری دڵخوازدا نەبن لەوانەیە لە پۆستی خۆی بکشێتەوە .

........
340