ئەکرەم ئیمام ئۆغلۆ توانی بینالی یەلدرم شکست بدات

(ABNA24.com) بە گوێرەی ئەنجامی بەرایی هەڵبژاردنەکانی تورکیا ئەكرەم ئیمام ئۆغلۆ كاندیدی جەهەپە توانی بینالی یەلدرم كاندیدی پارتی دادو گەشەپێدانی شکست پێهێنا.

بە ڕاپۆرتی ئاژانسی هەواڵی مێهر،بینالی یڵدرم، كاندیدی پارتی داد و گەشەپێدان ئێوارەی ئەمرۆ و دوابەدوای ئاشكراكردنی رێژەی ئەو دەنگانەی تا ئێستا جیاكراونەتەوە رایگەیاند "لە كاتژمێر ۷ و ۱۶ خولەكی ئەم ئێوارەیەدا كۆمسیۆنی باڵای هەڵبژاردنەكان ڕایگەیاند: بە بڵاوكردنەوەی رێژەی دەنگە جیاكراوەكان، بەپێی ئەو دەنگانەی تا ئێستا جیاكراونەتەوە، ركابەرەكەم لە پێشەوەیەوە و پیرۆزبایی لێدەكەم".

هاوكات سوپاسی خەڵكی ئەستەنبۆڵی كرد  و وتی: "داوا لە خوا دەكەم ئەنجامی هەڵبژاردنەكان ببێتە مایەی خێر بۆ داهاتووی ئەستەنبۆڵ، هیواخوازم هاوڕێم ئەكرەم ئیمامۆغڵو خزمەتی زۆر و جوان بە ئەستەنبۆڵ بكات، بەردەوام دەبم لە هاوكاریكردنی."




/129