ناکۆکی پێشمەرگە و سوپای عێراق ودواخستووی کۆنترڵکردنەوەی حەویجە

کۆکی پێشمەرگە و سوپای عێراق ودواخستووی کۆنترڵکردنەوەی حەویجە
 
بەرپرسانى پێشمەرگە و سوپاى عێراق کۆکن لەسەر ئەوەى مانەوەى چەکدارانى داعش لە حەویجە مەترسییە لەسەر عێراق بەگشتى و شارى کەرکوک بە تایبەتى، بەڵام لەسەر چۆنییەتى کۆنتڕۆڵکردنەوەى کۆکنین و هیچ لایەكیشیان بە مەرجی ئەوی تریان رازی نییە.

به پێی هەواڵ دەریی ئەهلو بەیت(ع) ، ابنا: فەرماندەی میحوەری باشوری كەركوكى هێزەکانى پێشمەرگە هۆکارى کێشەکان ئاشکرا دەکات و بەڕوونى باس لەوە دەکات کە پێشمەرگە ڕێ نادات سوپاى عێراق و حەشدى شەعبى بێنە نێو شارى کەرکوک و لەوێوە هێرشە بکەنە سەر حەویجە.

ترسی هێزەكانی پێشمەرگە لە گەرانەوەی سوپای عێراق و هاتنە ناوەوەی حەشدی شەعبی بۆ کەرکوک، لە دووربارە بونەوەی ئەو شەڕانەیە كە لە ساڵانی رابردوو لە دوزخورماتوو روویاندا، بەڵام حەشدی شەعبی سورە لەسەر بەشداریكردنیان لە كۆنترۆڵكردنەوەی حەویجە و تێپەر بونیان بە كەركوكدا .

لە نێوان ناکۆکییەکانى پێشمەرگە و سوپاى عێراق، تاكە داواكاری هاوڵاتیانی كەركوك ئەوەیە ئەو هێزانە ڕێکبکەون و مەترسی حەویجە لەسەر كەركوك لابەرن.

تەنها كورد ترسی لە هاتنە ناوەوەی سوپا و حەشدی شەعبی نییە، ئێستا عەرەبی سوننەش ترسیان لە بەشداری پێكردنی حەشدی شەعبی لە پرۆسەی كۆنترڵكردنەوەی حەویجە هەیە، چونكە ئەوان پێیان وایە بە چونە ناوەوەی حەشدی شەعبی شەری مەزهەبی دروست دەبێت.