گوتارەکانی نوێژی هەینی ئەمڕۆی تاران

ئایەتوڵڵا  سەید  ئەحمەد خاتەمی خەتیبی نوێژی هەینی تاران بە ئاماژە بە تاوانکاریی تاقمی تیرۆریستیی داعش  لە ڕوژی جەژنی قوربان لە سوریا وتی : دڕندەیی  داعش لە مەکتەبی بیروکەی وەهابیەتی سەعودی سەرچاوە ی گرتووە.

ئایەتوڵڵا خاتەمی بە ڕاگەیانندی ئەمەی لە کاتی  بەدەسەڵاتگەیشتنی  ئالی سعود بە یارمەتی بەریتانییەکان لە عەرەبستان ئەم ڕژێمە  بە مرۆڤ کوژی و تاڵان، ڕێگەی خۆی درێژە پێ داوە ، وتیشی : ئەوەی ئەمڕۆ ئێمە لە یەمەن دەیبینین ئەنجامی سێ سەدە  دەستدرێژی و تاڵان و مرۆڤ کوژی سەعودییەکانە.

خەتیبی نوێزی هەینیی تاران  دەوڵەتی عەرەبستانی بە ڕژێمی دژە مرۆڤی  وەسف کرد و وتی : سعودییەکان کە بەرلەمەش بەشێوەی نهێنی  لەگەڵ ڕژێمی زایۆنیستی پێوەندییان هەبوو، ئەمڕۆ بە ئاشکرا ئەم پێوەندییە درێژە پێ دەدەن و ئالی سعود شەریکی تاوانکاری زایۆنییەکان لەشەڕ بە دژی خەڵکی ستەملێکراو و بێ دەرەتانی فەلەستینە.

ئایەتوڵڵا خاتەمی  هاوکاری عەرەبستان لەگەڵ ڕژێمی زایۆنیستی بە خاڵێکی ڕەش   بۆ ئالی سعود وەسف کرد و وتیشی:  جیهانی ئیسلام بەم زوانە شایەتی ڕووخانی ئەم ڕژێمە مرۆڤ کوژە دەبێ .

خەتیبی نوێژی هەینی تاران سەبارەت بە ئاگربەسی ڕاگەیەندراو لە سوریا ش وتی : کۆماری ئیسلامیی ئێران لە هەر کردەوەیەک کە خوێن ڕشتن لە سوریا کۆتایی پێ بێنێ،  داکۆکی دەکات.

ئایەتوڵڵا خاتەمی ، ئەمریکا و ڕۆژاوای  بە درێژەپێدانی  قەیران  لە سوریا زانی و وتیشی : تەنیا ڕێگەی کۆتایی دان بە قەیرانی سوریا چوونەدەری ئەمریکا و تاقمەکانی تیرۆریستی  و لایەنگرانیان لەم وڵاتەیە .

خەتیبی نوێزی هەینی تاران هەروەها بڕیاردان لەسەر پەیوەست بوونی ئێران بە کارگرووپی  تایبەتی هەوڵی ماڵی FATF (بەرەنگاربوونەوەی سپی کردنەوەی پارە)شی بە ئەستۆی ئەنجومەنی باڵای ئاسایشی نیشتمانی ئێران زانی و وتی : بەرپرسان  بەسەرنج دان  بە بێ بەڵێنی لایەنی بەرامبەر لە جێ بەجێ کردنی بەڵێنەکانیان لە بەرجام، لەمبارەوە بڕیار بدەن ....

کۆتایی کورتە نامە/310