هەستیارەتی ئێران بەرامبەر ئاسایشی پاوەجێ لەسەر سنوورە هاوبەشەکانی لەگەڵ کوردستانی ئێراق

عەلی شەمخانی، سکرتێری ئەنجومەنی باڵای ئاسایشی نیشتمانیی ئێران دوێنێ یەکشەممە لەدیدار لەگەڵ کەریم شنگالی، سەرۆکی ئیدارەی کاروباری ناوخۆی هەرێمی کوردستانی ئێراق لەتاران، وتی: ئاسایشی پاوەجێ لەسەر سنوورەکان، هێڵی سووری ئێرانە.

شەمخانی بەئاماژە بە مێژووی پەیوەندیی برایانەو شیاوی ئێران و گرووپ و لایەنە کوردییەکان لە ئێراق، پێی داگرت؛ ڕەوتی پشتیوانیی ئێران لە کوردستانی ئێراق لەچوارچێوەی ستراتژییەکانی حکومەتی ناوەندیی لە بەغدا، ڕەوتێکی نەگۆڕە کە قەت، بەتایبەت لە بارودۆخە دژوار و قەیرانییەکان، ڕانەگیردراوە.

کەریم شنگاڵی ئەندامی مەکتەب سیاسیی پارتی دیموکراتی کوردستانی ئێراقیش لەو چاوپێکەوتنەدا، پەسنی داکۆکیی ئێرانی دا لە کوردستانی ئێراق لەبواری جیاجیای وەک سیاسی، و ئابووری و وتی: ئێران بەدرێژایی مێژوو، دۆستێکی جێ متمانەو ڕاست بێژانە بۆ کوردەکان بووەو درێژەی برایەتی و دۆستایەتی لەگەڵ ئێران، سەریەتی کوردەکانە.

کۆماری ئیسلامیی ئێران و هەرێمی کوردستانی ئێراق لەبەر سنووری هاوبەش و خاڵی هاوبەشی مەزهەبی و ئەتنیان، پەیوەندیی شیاویان پێکەوە هەیە. ئێران هەردەم نیگاو ڕوانگەی دۆستانەی بووە بەرامبەر دراوسێکانی بەتایبەت ئێراق و لەکاتی پێویستدا یارمەتیدەری دراوسێکان بووە.

پەیوەندیی خەڵکی پارێزگا سنوورییەکانی ئێران لەگەڵ کوردستانی ئێراق، بەردی بناغەی پەیوەندییەکانی تاران و هەولێرە.

لەبەر زمان و کولتوری هاوبەش، پەیوەندیی بەرفراوان و دۆستانە هەیە لەنێوان ئێران و هەرێمی کوردستانی ئێراقدا . جگە لە کارتێکەریی تایبەتمەندییە هاوبەشەکان لەسەر پەرەی پەیوەندیی نێوان تاران و هەولێر، پەرەی پەیوەندییە سیاسی وئابوورییەکانی ئێران لەگەڵ کوردستانی ئێراق، لەسەر بنەمای ستراتژییەکانی حکومەتی ناوەندی لە بەغدا پێوشوێن دەگیردرێ. سیاسەتی بنەڕەتیی ئێران، یەکڕیزیی و دۆستایەتی نێوان باڵ و لایەنەکانی کوردە بۆ هاوبەشیی چالاکانە لە داڕشتی سیاسی وئابووریی ئێراقی یەکگرتوو.

بەلەبەرچاو گرتنی ئەو سیاسەتە، کاتێک کە گرووپی ڕەشەکوژی داعش پاش داگیرکردنی شاری موسڵ(ناوەندی پارێزگای نەینەوا)، لەهەوڵی داگیرکردنی هەولێر و بەغدا دا بوو، ئێران دەسبەجێ بەهانای دۆستانی کورد وحکومەتی ناوەندیی ئێراقەوە هات. هەڵوێستی ئێران لەهەمبەر ئێراقدا، "وڵاتێکی یەکگرتوو و هاودەنگی هەموو باڵ و لایەنە ئێراقییەکان" لە داڕشتێکی سیاسی تاکانەیە. ئێران هەر لەسەر ئەو بنەمایە، بۆ ڕزگارکردنی هەولێر و بەغدا لە مەترسیی دزەی داعش و بۆ پاراستنی یەکپارچەیی خاکی ئێراق، هەنگاوی هەڵگرت.

ئێران چاوەڕوانیی وەها ڕەوتێکیشی لە لایەنی بەرامبەری هەیە. دوژمنانی هاوبەشی ئێراقی یەکگرتوو و ئێران تێدەکۆشن سنوورە هاوبەشەکان ناهێمن و کاربکەنە سەر پەیوەندیی دۆستانەی دوو وڵات.

لە وەها بارودۆخێکدا، هۆشیاریی بەرپرسانی ناوچەی کوردستانی ئێراق و هەستیارەتی ئەوان لەحاند ئاسایشی پاوەجێ لەسەر سنوورەکان و بەرپەرچدانەوەی هەوڵی ناحەزان و دوژمنان، پێویستە.

جێگیرکرانی سەقام وئاسایشی پاوەجێ لەسەر سنوورە هاوبەشەکان، دابینکەری بەرژەوەندییەکانی ئێران و هەرێمی کوردستانی ئێراقە....

کۆتایی کورتە نامە/310