بەشی نێودەوڵەتی: میدیا ناودارەکانی جیهان ڕۆژانە هەواڵی تایبەت لە سەر شەڕی نێوان ئێران و ئیسڕائیل و ئەمریکا بڵاو دەکەنەوە.
ماڵپەڕی ئێم ئێس ئێن: کردنەوەی گەرووی هورمز تەنیا لە بەرامبەر پێدانی مافی وەرگرتنی کرێ لە کەشتییەکانەوە بە ئێران مومکین بوو و ئەم ڕێڕەوی ئاوە ستراتیژییە بە شێوەیەکی کاریگەر بووەتە فەرمانگەیەکی گومرگی بۆ تاران. شەڕە یەک مانگەکەی ترامپ، بە سەپاندنی تێچووی قورسی مرۆیی و دارایی بەسەر ئەمریکا و تێکدانی ناوبانگی ناتۆ، نەک هەر نەیتوانی ئامانجەکانی واشنتۆن بپێکێت، بەڵکوو پێگەی ناوچەیی ئێرانی بەهێزتر کرد و ڕۆحی بەرخۆدانی لە نێو نەوەی نوێی ناوچەکەدا بەهێزتر کرد.
ئەلجەزیرە: شەڕی ئەمریکا و ئیسرائیل لە دژی ئێران بە خێرایی سنوورە ناوچەییەکانی تێپەڕاندووە. ئەم شەڕە چیتر تەنیا ڕووبەڕووبوونەوەیەکی سەربازی سنووردار نییە لە ڕۆژهەڵاتی ناوەڕاستدا، بەڵکوو بووەتە ڕووداوێک کە ڕەهەندی جیۆپۆلەتیکی فراوانتری هەیە کە خەریکە شێوازی هەستکردنمان بە مەترسییەکان و وەڵامدانەوەی قەیرانەکان و شوێنی وڵاتان لە سیستەمێکی نێودەوڵەتیی تادێت بەیەکەوە گرێدراو و ئاڵۆزتر دەگۆڕێت.
عەرەبی 21: وەزارەتی خەزێنەی ئەمریکا ڕۆژی سێشەممە ڕایگەیاند کە بەنیازی درێژکردنەوەی دەستبەرداربوونێکی کاتی لە گەمارۆ نەوتییەکانی پەیوەست بە ئێرانە کە بڕیارە چەند ڕۆژێکی تر کۆتایی پێبێت.
یێنی شەفەق: سیاسەتە توندەکانی نەتانیاهۆ و هێرشە زارەکییە درێژخایەنەکانی بۆ سەر ئێران، وتارەکانی لە کۆبوونەوەی گشتی نەتەوە یەکگرتووەکان و ئەو فشارانەی کە لەسەر حکومەتەکانی ئەمریکا بۆ چوونە ناو شەڕەکە کردی، بە کردەوە هیچ ئەنجامێکی دەستەبەرکراوی نەبووە. هەروەها پێشبینییەکەی ئیسرائیل کە شەڕەکە لە ماوەیەکی کورتدا کۆتایی دێت، نەهاتە دی.
سی جی تی ئێن چین: گەمارۆی دەریایی ئەمریکا بۆ سەر گەرووی هورمز نەک تەنیا ئاسایشی وزە بەڵکوو ئاسایشی خۆراکی جیهانیش بە شێوەیەکی جددی خستووەتە ژێر مەترسییەوە. هەرچەندە ئامانجی ڕاگەیەندراوی گەمارۆکە کۆنترۆڵکردنی هاتوچۆی کەشتیەکانە بۆ بەندەرەکانی ئێران، بەڵام بەرزبوونەوەی نرخی نەوت لە سەرووی ١٠٠ دۆلار بۆ هەر بەرمیلێک و دواتر زیادبوونی تێچووی بەرهەمهێنان و گواستنەوە دەبێتە هۆی پەکخستنی زنجیرەی دابینکردنی خۆراک.
سپۆتنیک: لەگەڵ گەمارۆدانی ئەمەریکا بۆ سەر گەرووی هورمز، یەکەم کەشتیی نەوتهەڵگری چینی بە ناوی "ریچ ستارری" بە سەرکەوتوویی بە گەرووی هورمزدا تێپەڕیوە و بەرەو چین دەڕوات. ئەو تانکەرە کە لە شارجەی ئیماراتەوە (نەک لە بەندەرێک لە ئێران)ەوە بەڕێکەوتووە، لەگەڵ خاوەنی چینی و تیمەکەی، مەبەستی ئەوە بووە واشنتۆن لەوە تێبگات کە ناتوانێت زاڵ بێت بەسەر کەشتییە چینییەکان لە کەنداوی فارسدا.
ئیسرائیل هیوم: بەڵێنەکانی ئیسرائیل بۆ "داماڵینی چەک لە حزبوڵڵا" لەسەر ئاستی سیاسی و سەربازی ئیسرائیل ناڕاستەقینەن. سوپای ئیسرائیل نە نیازی هەیە و نە توانای ئەوەی هەیە بە هەموو شار و گوندەکانی لوبناندا تێپەڕێت بۆ داماڵینی چەک لە حیزبوڵڵا.
ینێت نیوز: دانیشتوانی باکووری ئیسرائیل بە گومانێکی قووڵ و دوو دڵیەوە سەیری دانوستانە مێژووییەکانی ئاشتی لەگەڵ لوبنان دەکەن. لە کاتێکدا شاندەکانی ئیسرائیل و لوبنان بە میوانداری مارکۆ ڕوبیۆ لە واشنتۆن گفتوگۆ دەکەن، حزبوڵڵا لە یەک کاتدا هێرشی توندی مووشەکی و فڕۆکەی بێفڕۆکەوان بۆ سەر شارەکانی وەک نەهاریە و جەلیل ئەنجام دەدات.
Your Comment