سەید مەحمود عەلەوی وەزیری ئیتلاعاتی ئێران سێ شەممەی شەو بە بۆنەی دەسپێکی حەوتەی دەوڵەت، لە دیمانەیەکی تەلەفیزیۆنی دا بە ئاماژە بە کارەکانی دەوڵەت لە ماوەی سێ ساڵی ڕابردوو دا وتی: دەوڵەتی یازدەهەم لە بواری تەندروستی و ئاسایش دا خزمەتێکی بەرچاوی کردوە.
عەلەوی بە باس کردنی ئەوەی کە دوژمن وەخۆ کەوتوە زەبر لە ئاسایشی کۆماری ئیسلامی ئێران بدا وتی: بە وریایی و ژیری هێزەکانی وەزارەتی ئیتلاعات و هاوکاری دەزگا پەیوەندیدارەکانی بواری ئاسایش، دوژمن بێ ئاکام بووە و تیرۆریستان لە ژێر کۆنتڕۆڵی زانیارییەکانی ئێمە دان و پاش پێ و شوێن گرتنیان بە سزای خۆیان دەگەیێندرێن.
وەزیری ئیتلاعاتی ئێران هەروەها بە پێداگری لەسەر ئەوەی کە وەزارەتی ئیتلاعاتی ئێران تەنگی بە تیرۆریستان هەڵچنیوە وتی: وەزارەتی ئیتلاعات لە بۆنەی جیاواز دا پەیامی بە تیرۆریستان داوە کە نیازی پەلاماری تیرۆریستی لە ئێران لە مێشکی خۆیان وەدەر نێن.عەلەوی بە ئاماژە بە کارەکانی وەزارەتی ئیتلاعاتی و هێزەکانی ئیتلاعاتی سپای پاسدارانی شۆڕشی ئیسلامی لە بەرەنگاربوونەوەی گروپە تیرۆریستییەکانی رۆژئاوای ئێران وتی: لە ماوەی رۆژانی ڕابردوو دا بەرەنگاری مونافەقین بوینەوە لە رۆژئاوای ئێران کە خەریکی هەڵکەندنی تونل و زەبر وەشاندن لە هەژمارێک بنکە و پاسگەی رۆژئاوای ئێران بدەن.
وەزیری ئیتلاعاتی ئێران بە ئاماژە بە هەڵمەتە ئەنجام دراوەکان لە دژی گروپە تیرۆریستییەکان لە ڕۆژئاوای ئێران وتی: لەو هەڵمەتە دا فەرماندەی تیپی موسڵی داعش کوژراوە و سێ کەسی دیکەشیان دەسگیر کراون...
کۆتایی کورتە نامە/310
