وەزارەتی دەرەوەی ئێران لە بەیاننامەیەکدا وێڕای ڕەت کردنەوەی تۆمەتەکان لەسەر ئێران هاوپەیوەند بە یەکەم، هەڕەشەکانی ئەم دواییەی ئەمریکا و ئیسرائیل لە سەر ئێرانی ئیدانە کرد و بەرپرسیارێتی لێکەوتەکانی خستە سەر ئەمریکا و ئیسرائیل.
لە دەقی بەیاننامەکەی وەزارەتی دەرەوەی ئێراندا هاتووە: ئێمە دووپات کردنەوەی پاگەندەی بێ بنەما و لکاندنی هەوڵی دلێرانەی خەڵکی یەمەن لە بەرگری لە خۆ و پاڵپشتی لە خەڵکی فەلەستین بە ئێرانەوە سووکایەتی بە ئەو گەلە ستەملێکراوە دەزانین و وەبیری دەهێنینەوە کە ئەوە سوپای ئەمریکایە کە لە پاڵپشتی لە کۆمەڵکوژی ئیسرائیل چووەتە شەڕی خەڵکی یەمەنەوە و بە هێرش بۆ سەر ژێرخانەکان و کردنە ئامانجی خەڵکی سڤیل لە شارە جیاجیاکانی ئەو وڵاتە جەنایەتی جەنگی دەکات.
بێ گومان هەوڵی یەمەنییەکان بۆ پاڵپشتی لە خەڵکی فەلەستین، بڕیارێکی سەربەخۆ و بەهۆی هەستی مرۆیی و ئیسلامی ئەوان بە برا و خوشکە فەلەستینییەکانیان بووە و لکاندنی بە ئێرانەوە پاگەندەیەکی بەلاڕێبەرانە و لادەرانە بە ئامانجی کاریگەری لەسەر جەنایەتەکانی ئیسرائیل لە فەلەستین، شاردنەوەی شکستەکان و بیانوو بۆ نائەمن کردنی زیاتری ناوچەی ڕۆژاوای ئاسیایە.
وەزارەتی دەرەوەی ئێران بە جەخت لەسەر هەڵوێستی بنەمایی خۆی لەسەر زەروورەتی ڕێز بۆ یەکپارچەیی خاک و سەروەری وڵاتەکان، هێرشەکانی ئەمریکا بۆ سەر یەمەنی وەکوو پێشێل کاری ئاشكرای جاڕنامەی نەتەوەیەکگرتووەکان و یاسا بنەڕەتییە نێودەوڵەتییەکان ئیدانە دەکات.
وەزارەتی دەرەوەی ئێران بە هۆشداریی سەبارەت بە لێکەوتە مەترسیدارەکانی ئەو هێرشانە بۆ سەر ئاسایش و سەقامگیری ناوچەی ڕۆژاوای ئاسیا و دەریای سوور، بەردەوام داوای ڕاگرتنی کۆمەڵکوژی خەڵکی فەلەستین وەکوو هۆکاری سەرەکی بەردەوامی نامەنی لە ناوچەکەی کرد.
وەزارەتی دەرەوەی ئێران لە بەیاننامەیەکدا وێڕای رەت کردنەوەی تۆمەتەکان لە دژی تاران هاوپەیوەند بە یەمەن، هەڕەشەکانی ئەم دواییەی ئەمریکا و ئیسرائیل لە دژی ئێرانی ئیدانە کرد.
Your Comment