ستەم و نایەکسانی باڵی بەسەر سووریا کێشاوە

 ناوەندی بەرگری لە دیمۆکراسیەکان بە ئاماژە بە ئەوەی کە حکومەتی نوێی سووریا بە ڕێبەرایەتی ئەحمەد شەرع، سەرۆک کۆماری کاتی سووریا لە ئاستی چاوەڕوانی دەرنەکەوت، نووسی: ئەحمەد شەرع، ڕێبەری دەوڵەتی کاتی سووریا لە ڕێکەوتی 29 ی مارس پێکهێنانی کابینەی نوێی ڕاگەیاند و 22 بەرپرسی وەزارەتی ناساند. لە کابینەی نوێدا ژنێک بە ناوی هیند قوباوات، وەکوو وەزیری کاروباری کۆمەڵایەتی؛ ئەحمەد بەدر، ئەندامی کەمینەی درۆزییەکان وەکوو وەزیری کشتوکاڵ، هاووڵاتیەکی کورد بە ناوی محەمەد عەبدولڕەحمان تورک وەکوو وەزیری پەروەدە و بارهێنان و کەسێکی عەلەوی وەکوو وەزیری گواستنەوە دەست نیشان کرا.

بە پێی نووسراوەی ئەو توێژینگەیە نزیک لە حکومەتی ئەمریکا، کەسانی هاوبیر یان نزیک لە بیری جۆلانی زیاترین دزە لە نێو کابینەی نوێی ناوبراو بووە. مەرهف ئەبو قسرە، وەزیری بەرگری و ئەسعەد شەلبانی، وەزیری کارەباری دەرەوە هەر لە پۆستەکانی خۆیان ماوەنەتەوە. ئەوان دوای ڕووخانی بەشار ئەسەد، ئەو پۆستە گرینگانەیان پێدرابوو. شەرع کە ڕێبەری ڕێکخراوی تیرۆریستی تەحریروشامی لە ئەستۆ بوو و لە ڕۆڵی هەبوو لە ڕووخانی حکومەتی بەشار ئەسەد، سەرۆکایەتی کاتی حکومەتی نوێی سووریا لە کاتی بەڕێوەچوونی هەڵبژاردن کە لەوانەیە 5 ساڵ بخایێنێت، لە ئەستۆ بگرێت.

دژایەتی گرووپە سووریاییەکان لەگەڵ کابینەی نوێ: ئیدارەی خۆسەری کوردی سووریا و لە ڕێکەوتی 3 ی مارس دژایەتی خۆی لەگەڵ کابینەی نوێی ئەحمەد شەرع راگەیاند و هۆکارەکەشی بەشدار نووبی پێکهاتەی جیاوازەکان لە ئەو کابینە وەسف کرد. ئەو ناوچەیە کە لە کۆنترۆڵی کوردەکانە، هاووڵاتیانی کورد و عەرەبی تێدایە ڕایگەیاندووە کە ڕوانگەی ئەوان لەگەڵ درۆزییەکانی سوەیدا یەکێکە. راپۆرتەکا باس لە ئەوە دەکات کە ناڕازیان لە سویدا هاتوونەتە سەر شەقام و داوای پێکاتنی سیستەمێکی سیاسی لامەرکەزییان کردووە کە مافی بەرانبەر بۆ کوردەکان، عەرەبەکان، عەلەوییەکان، درۆزییەکان و مەسێحییەکان مسۆگەر بکات.

دەیڤید ئادسینیک، جێگری سەرۆکی بەشی لێکۆڵینەوەکانی توێژینگەی ناوەندی بەرگری لە دیمۆکراسییەکان سەبارەت بە پێکێنانی حکومەتی نوێی سوریا دەڵێت: ئەو کابینەیە وادیارە بۆ حکومڕانی یەک کەس پێکهاتووە. وەزاروەتخانە گرینگەکان وەکوو بەرگری، نێوخۆ، داد و دەرەوە هەر لە کۆنترۆڵی شەرعە. ئەرتەشی نوێ پڕە لە فەرماندە ئیسلامییەکان کە وەفاداری شەرعن. تەنانەت دەستوور ئیزن دەداتە شەرع کە نوێنەرانی پەرلەمان و دادوەرانی باڵا دەست نیشان بکات. ئەو ڕوانگە تاکڕەوانە لەوانەیە بۆ ماوەیەک ببێتە هۆی سەقامگیری بەڵام مەترسی گەڕانەوەی پێکدادانەکان لە ئەو وڵاتە هەیە.

ئەحمەد شەراوی، لێکۆڵەری ناوەندی بەرگری لە دیمۆکراسییەکانیش لەسەر حکومەتی نوێی سووریا وتی: نوێنەرانی کەمینەکان وەکوو کوردەکان، درۆزییەکان و مەسێحییەکانیش لە حکومەتی کاتی نوێ بەشدارن و هەروەها هەندێک وەزیری سەربەخۆش لە نیو کابینە دەبینرێت. سەرەڕای هەموو ئەوانە دزەی ڕاستەقینەی ئەوان هێشتا ناڕوونە چونکوو شەرع دەسەڵاتی لای خۆی داناوە و وەزارەتخانە گرینگەکانی لە کۆنترۆڵدایە. درۆزییەکان و کوردەکان کە خەریکی تێکەڵ بوون لە نێو حکومەتی نوێن، ئەو کابینەیان رەت کردووەتەوە کە ئەوە ڕێگای گەییشتن بە سەقامگیری و یەکگرتوویی پێچراوتر دەکاتەوە.

342/