فوئاد حسێن، وەزیری دەرەوەی عێراق ڕۆژی پێنجشەممە لە چاوپێکەوتنێکدا ڕایگەیاند کە بەغدا ڕازی بووە بە داواکاری وەزیری دەرەوەی کاتی سووریا بۆ دواخستنی سەفەرەکەی بۆ عێراق.
وتیشی: هه ڵوێستی ئێمه له سەر سووریا پەیوەندی به ئێرانەوه نییه و کار دەکەین بۆ ڕاگرتنی هاوسەنگی له پەیوەندییەکانمان له گەڵ ئەمریکا و ئێران.
فوئاد حسێن وتی: ئەمریکا پێشنیاری کرد کە هاوردەکردنی گاز لە ئێرانەوە ڕابگرین. ناوبراو هیوای دەربڕی کە گفتوگۆی ستراتیژی لەگەڵ ئەمریکا بەردەوام بێت و وتی: کاتی کشانەوەی هێزەکانی ئەمریکا لە عێراق نەگۆڕاوە.
وەزیری دەرەوەی عێراق بە ئاماژەدان بەوەی "داماڵینی چەک لە گرووپەکان پێویستی بە گفتوگۆی ناوخۆیی هەیە"، وتی: ئەو گرووپانە بەهۆی پێشهاتەکانی ناوچەکە هێرشەکانیان بۆ سەر هێزەکانی هاوپەیمانی ئەمریکی ڕاگرتووە.
هەروەها جەختیشی کردەوە: هیچ سزایەکی نوێی ئەمریکا بۆ سەر بانکەکانی عێراق نییە.
فوئاد حسێن زیادی کرد: هەڕەشەکان سەبارەت بە هێرشی ئیسرائیل بۆ سەر عێراق هێشتا بوونی هەیە.
جەختیشی لەوە کردەوە: " پارتی کرێکارانی کوردستان (پەکەکە) چەک دابنێت هاوکێشەیەکی نوێ بەدوای خۆیدا دەهێنێت".
وتیشی: ئێمە پابەندین بە ڕێککەوتنی ئەمنی لەگەڵ ئێران.
342/
