مەزڵوم عەبدی دەڵێت: بانگەوازی ئۆجەلان بۆ پەكەكە بوو، بۆ پەكەكە بوو. بەشێوەیەكی راستەوخۆ بۆ ئەم ناوچەیە نەبوو. هەروەك چۆن پەیامی بۆ هەرێمی كوردستان و هەموو شوێنێكی نارد، بۆ ئێمەشی نارد".
هەروەها عەبدی دەڵێت "پێموایە ئاگربەستی نێوان پەكەكە و توركیا و بەرقەراربوونی ئاشتی كاریگەریی لەسەر ناوچەكەی ئێمەش هەیە".
لەبارەی ئەگەری كشانەوەی هێزەكانی ئەمریكا لە سووریا مەزڵوم عەبدی روونیكردەوە "هیچ شتێكمان پێ رانەگەیەندراوە سەبارەت بەوەی ئەمریكا هێزەكانی دەكشێنێتەوە. هەڕەشەی داعش زیادبووە و بۆشایی ئەمنی هەیە. بۆیە پێویستیمان بە هێزەكانی ئەمریكا هەیە. لە ئەگەری كشانەوەی هێزەكانی ئەمریكا، پێمانوایە پشێویی ئەمنی دروست دەبێت و كاریگەریی لەسەر ناوچەكەش دەبێت".
لەبارەی رەوشی سووریاوە فەرماندەی هەسەدە ئەوەی خستەڕوو ئەوەی ئێستا هەیە لەبارەی ئەوەی كە دەڵێن مافی كورد، تەنیا قسەیە و تاوەكوو ئێستا گەرەنتییەكی دەستووری نییە. ئەوەی ئێمە دەمانەوێت، ئەوەیە كە نەك تەنیا قسە بێت. دانوستاندنەكانمان لەگەڵ دیمەشق بەردەوامن و هێزەكانی هاوپەیمانیی نێودەوڵەتیش نێوەندگیری دەكەن.
342/
