بە ڕاپۆرتی ئاژانسی هەواڵی ابنا - سیماسادات لاری، دوانیوەڕۆی ئەمڕۆ یەکشەممە دوایین ئاماری کۆرۆنای ئێرانی ڕاپۆرت دا.
ناوبراو بە ئاماژە بە ٢٣٦٨ حاڵەتی نوێی تووشبوون لە شەو و ڕۆژی ڕابردوو، کۆی گشطی نەخۆشەکانی تووشبوو بە کۆڤێد ١٩ ی ٢٠٤ هەزار و ٩٥٢ کەس ڕاگەیاند و وتی: لە ئەو ژمارەیە، تا ئێستا ١٦٣ هەزار و ٥٩١ کەس چاک بوونەتەوە.
لاری، ئاماری گیان لەدەست داوانی شەو وڕۆژی ڕابردووی ١١٦ کەس ڕاگەیاند و زیادی کرد: تا ئێستا ٩ هەزار و ٦٢٣ کەس بە هۆی تووشبوون بە کۆرۆنا گیانیان لەدەست داوە.
وتەبێژی وەزارەتی تەندروستی درێژەی دا: لە نیوەڕۆی یەکشەممە، ٢٨٨٧ نەخۆشی کۆرۆنا لە دۆخی نالەبار و لەژێر چاوەدێری تایبەتدان.
ناوبراو زیادی کرد: پارێزگاکانی خووزستان، هورموزگان، کرماشان، ئازەرباجانی ڕۆژهەڵاتی و سیستان و بەلووچستان لە دۆخی هۆشداریی دان.
342/
